Osy jyldyń 28 tamyzynda Almaty qalasy kásipkerler palatasy О́ńirlik keńesiniń músheleri ortaq ýaǵdalastyq negizinde ózin-ózi taratý boıynsha sheshim qabyldap, óńirlik keńes músheligine kandıdattar saılaýyn ótkizýdi usynǵan bolatyn.
О́ńirlik keńes – bul óńirlik kásipkerler palatasynyń baqylaýshy organy, ol óńirlik palatanyń aǵymdaǵy qyzmetinde ekonomıkanyń jekelegen salalary men sektorlary múddelerin eskerýdi qamtamasyz etedi, kásipkerlik máseleleri boıynsha qoǵamdyq tyńdaýlar ótkizedi, Ulttyq palata qyzmetiniń tıimdiligin arttyrý úshin Sezd qaraýyna usynystar shyǵarady, О́ńirlik palatanyń jáne fılıal jetekishileriniń kandıdatýrasyn maquldaıdy.
Keńestiń negizgi tiregi Palatanyń qurylýy kezinde, ár saladan bedeldi kásipkerler shaqyrylǵan kezden bastap qalyptasty. Osydan keıin keńes quramy birshama ózgerdi - bireýleri qaldy, al basqalary salalyq qaýymdastyqtardyń «bastaýyshtary» arqyly bos oryndarǵa keldi. Biraq bıznes ózgeris qajet dep sheship, keńestegi oryndy alýǵa kim laıyqty ekenin bilý úshin, onlaın jáne oflaın daýys berý saılaýyn ótkizdi.
«О́ńirlik keńestiń 30 oryny úshin 135 almatylyq kandıdat baq synasty, olardyń árqaısysy óziniń saılaýaldy baǵdarlamasyn usynyp, aldaǵy Keńes jumysyn qalaı kóretinin jáne bıznestiń qandaı problemalaryn sheshý qajet ekenin aıtty»,- dep atap ótti Almaty qalasy Kásipkerler palatasy О́ńirlik keńesiniń tóraǵasy Iýrıı Tileýmuratov.
Saılaý qorytyndysy jeltoqsan aıynda shyǵarylady jáne óńirlik keńestiń jańa quramy BAQ-ta jarııalanatyn bolady.
Almaty qalasy óńirlik keńesiniń sheshimin, sondaı-aq Almatyda basqa qalalarmen salystyrǵanda otandyq kompanııalar sany basym (barlyǵy 186 000 kásipkerlik sýbektisi jumys isteıdi) ekenin eskere otyryp, UKP óńirlik keńes músheligine kandıdattardy saılaýdy qanatqaqty rejımde Almaty qalasynda ótkizý boıynsha sheshimdi qabyldaǵan bolatyn. Sodan keıin UKP Tóralqasy sheshimi boıynsha almatylyq tájirıbe respýblıkanyń ózge óńirlerine taralatyn bolady.
Almaty qalasy Kásipkerler palatasy О́ńirlik keńesiniń belsendi jumysynyń arqasynda kásipkerlerdiń quqyqtary qorǵalyp, normatıvti-quqyqtyq aktilerge otandyq bıznes damýyna oń áser etti deýge negiz basym. Tarata aıtar bolsaq, Almaty qalasy О́KP О́ńirlik keńesi músheleriniń qatysýymen Jarnama týraly Zańǵa ózgerister engizildi. Nátıjesinde 2019 jyldyń sáýir aıynan bastap jarnama obektilerin anyqtaýda profılaktıkalyq baqylaý mehanızmi engizildi.
Almatyda boýlıng, kartıng, bılıard jáne t.b. qyzmet túrlerine belgilengen salyq mólsherlemesi orta eseppen 30%-ǵa tómendetildi. Jumys berýshi tarapynan qosymsha 5% zeınetaqylyq jarnalardy engizý merzimin shegerý bastamasy kóterilip, qoldaý tapty. Kásipkerlerdiń ótinimderi boıynsha Qonaev jáne Baıtursynuly kósheleri boıynda velosıpedtter jolaqtaryn joldyń bir shetine aýystyrý boıynsha ózgertýler jasaldy.
ALMATY
