«Baqytty otbasy» jobasynyń aıasynda Qazaqstannyń 8 qalasynda – Nur-Sultanda, Almatyda, Qaraǵandyda, Atyraýda, О́skemende, Tarazda, Kókshetaýda jáne Qostanaıda - otbasyn resýrstyq qoldaýǵa baılanysty 12 ortalyq jáne 4 kabıneti jumys istep, onda psıhologtar, áleýmettik qyzmetshiler, zańgerler jáne medıatorlar qazaqstandyqtarǵa otbasyn qurý nemese ajyrasý jaǵdaıyndaǵy máseleler boıynsha psıhologııalyq, áleýmettik, zańgerlik kómek kórsetildi.
Aǵymdaǵy jyldyń 1 maýsym - 30 qarasha aralyǵyndaǵy kórsetkishter boıynsha 2566 adam Otbasyn resýrstyq qoldaý ortalyqtaryna júginse, olardyń 2423-i ajyrasý máselesin qozǵaǵan. Ári nátıjeli keńes júrgizýge baılanysty 871-i tatýlasýǵa kelisimin bildirgen. Atap óterligi, 1 jyldan 2 jylǵa deıin jáne odan az ómir súrgen jas otbasylyq juptar tatýlasýǵa qarsylyq bildirgen. Kishkentaı sábıdiń bolýy da otbasyn saqtap qalýǵa yqpal ete qoımaǵan. Otbasynda 3 jáne 4 kámeletke tolmaǵan balanyń bolýy da erli-zaıyptylardy ajyrasýǵa kedergi bolmaǵandyǵyn aıtady mamandar. Osyndaı jaǵdaılar otbasy qundylyqtary boıynsha muqııat jumystyń júrgizilýin talap etedi. Al jalpy ortalyqqa ótinish bildirgenderdiń jas mólsheri 20-77 jas aralyǵyn quraıdy. Al 1898 balaly azamattyń 1270-i turatyn jeri týraly másele qozǵaǵan.
Jalpy, joba kórsetkendeı, Qazaqstanda otbasylyq qarym-qatynastar mádenıeti men ajyrasýǵa qatysty órkenıetti kózqaras qalyptaspaǵan. Bul baǵyttaǵy tárbıe jumystary mektep partasynan bastalýy tıis dep biledi mamandar Joba sarapshylary AHAT oryndary Qazaqstanda neke qııý ǵana emes, otbasylyq ómir týraly bilim alýdyń ornyna aınalýy kerek. Sonymen qatar, joba nátıjeleri boıynsha, resýrstyq ortalyqtar óz qyzmetin sottardan bólek iske asyrýy tıis. Mundaı ortalyqtar AHAT janynda nemese táýelsiz ınstıtýttar retinde qyzmet kórsetýi qajet. Jobanyń strategııalyq maqsaty QR ajyrasýlar sanyn qysqartý úshin zańnamaǵa ózgerister engizý úshin usynystardy jasaqtaý bolatyn. «Daǵdarys ortalyqtary odaǵy» memlekettik organdarǵa – QR IIM, QR BǴM, azamattyq hal aktilerin tirkeý bólimderine, QR Joǵary sotyna jáne QR Parlamentine 65 usynys joldady.
«Baqytty otbasy» otbasylyq sottar janyndaǵy Otbasyn resýrstyq qoldaý ortalyqtaryn ashý» áleýmettik jobasy QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty esebinen iske asyryldy.
ALMATY
