Bul - «Aqyldy» beınebaqylaý júıesi jol qozǵalysy erejeleriniń buzýshylyqtaryn avtomatty túrde tirkeıdi. Ol buzýshylyqtardy aldyn alýdyń tıimdi quraly, alaıda atalǵan júıe osy kúnge deıin Qazaqstan aýmaǵynda sheteldik nómir taqqan kólik júrgizýshilerine aıyppul «salýǵa» múmkindigi bolmady. Sheteldik nómirdegi avtokólik júrgizýshileriniń keıbiri ıntellektýaldyq beınebaqylaý júıesimen jabdyqtalǵan kóshe qıylystarynda buzýshylyq jasasa da, jazalanbaıtyndaryna etteri úırenip ketken.
Soǵan qarsy Soltústik Qazaqstan polıseıleri «Resolution Generator» baǵdarlamalyq keshenin ornatty. Ol sheteldik nómirlerdi de tanyp, kólik quralynyń tıistiligi týraly málimetterdi alýǵa múmkin bolatyn túrli memlekettik organdardyń derekter bazasymen ákimshilik quqyq buzýshylyqtardyń biryńǵaı tizilimi aqparattyq júıesin biriktirýge múmkindik beredi. Sheteldik nómirlerdi tekserý endi saqtandyrý polısi boıynsha avtomatty júrgiziletin bolady.
«Bul sheteldik nómiri bar kólik júrgizýshileri eskeretin mańyzdy jaǵdaı bolyp tabylady, - deıdi SQO PD Ákimshilik polısııa basqarmasynyń bastyǵy, polısııa podpolkovnıgi Jasulan Ospanov. — Aıyppul týraly habarlama saqtandyrýshynyń atyna joldanatyn bolady».
Petropavl qalasynda ıntellektýaldyq beınejúıeler Jambyl-Músirepov, Jumabaev-Sútishev, Nazarbaev-Abaı jáne Internasıonal-Astana kósheleriniń qıylysynda ornalasqan. Alǵashqy ekeýi jyldamdyqty arttyrý men baǵdarshamnyń tyıym salynǵan qyzyl sıgnalyna ótýdi, al ózge ekeýi – tyıym salynǵan sıgnal men toqta syzyǵynan ótip ketýdi tirkeıdi. Jyl basynan olar 2 myńnan astam JJE buzýshylyqtaryn tirkegen.
PETROPAVL
