Alqaly jıynnyń Qazaqstannyń Tuńǵysh Prezıdenti, Elbasy Nursultan Ábishuly Nazarbaevtyń halyqtar arasyndaǵy beıbitshilik pen kelisimdi damytýdaǵy eńbegine arnalyp otyrǵanyn jarııalaǵan Qazaqstan Respýblıkasynyń Qyrǵyz Respýblıkasyndaǵy Tótenshe jáne О́kiletti elshisi Qaırat Nurpeıisov, budan birneshe kún buryn, 27 qarashada Prezıdent Qasym-Jomart Toqaevtyń Qyrǵyzstanǵa kelgen birinshi memlekettik saparyndaǵy Qyrǵyz Respýblıkasyn Prezıdenti Sooronbaı Jeenbekovpen jolyǵýynyń aıasynda qol qoıylǵan eki eldiń yntymaqtastyǵyn arttyrýǵa dem beretin qujattar Tuńǵysh Prezıdent Nursultan Nazarbaevtyń bastamalarynyń zańdy jalǵasy ekenin atap ótti. Joǵarǵy memleketter aralyq keńestiń kelissózderiniń jıyntyǵynda eki eldiń yntymaqtastyǵynyń 2020-2022 jyldardy qamtyǵan keshendi baǵdarlamasy bekitilgen.
Qazaq-qyrǵyz yqpaldastyǵynyń táýelsizdik jyldaryndaǵy damý barysyna toqtalǵan elshi, osy kezeńde eki eldiń ortasynda kóp salaly yntymaqtastyq boıynsha 180 qujatqa qol qoıylǵany biregeı kórinis – dep, Prezıdent Qasym-Jomart Toqaevtyń qyrǵyz jerindegi saparynda Qazaqstan men Qyrǵyzstan arasyndaǵy qatynastardyń damýyna Elbasy N.Nazarbaevtyń zor úlesiniń bar ekenin aıryqsha atap ótkenin aıtty.
– 1 jeltoqsan – Tuńǵysh Prezıdenttiń kúni Qazaqstan úshin erekshe mereke. Bul Elbasynyń uzaq jyldyq eseli eńbegine eldiń bergen baǵasy. Ekonomıkalyq máselelerdi sheshe otyryp bizdiń Tuńǵysh Prezıdentimiz – ult lıderi N.Nazarbaev kóp ultty respýblıkamyzda tynyshtyq pen yntymaqtyń bolýyna kóńil bóldi, sondyqtan Tuńǵysh Prezıdent kúnin barlyq qazaqstandyqtardyń birliginiń jáne toleranttylyqtyń kúni dep aıtsaq ta jarasady, dedi Q.Nurpeıisov.
Eldegi tynyshtyq, yntymaq jáne qoǵamdaǵy turaqtylyq Qazaqstannyń tuńǵysh Prezıdentiniń áleýmettik saıasattaǵy óte mańyzdy jetistigi ekenine, bul halyqaralyq keńistikte óz baǵasyn alyp otyrǵanyna, mundaı ıgilikke Tuńǵysh Prezıdenttiń bastamasymen qurylǵan jáne ózi jetekshilik etken Qazaqstan halyq Assambleıasynyń róliniń qomaqtylyǵyna toqtalyp, elshi konstıtýsııalyq organ sanatyndaǵy Assambleıanyń atqaryp jatqan isterin dóńgelen ústelge jınalǵan kópshilikke tanystyrdy. Qazaqstandaǵy barlyq ulttar men etnostarǵa óz mádenıeti men dástúrin damytýǵa, tilin saqtaýǵa jaqsy sharttar jasalǵan.
Sóz kezegin alǵan Qyrǵyzstan el Assambleıasynyń tóraǵasy Abdygany Erkebaev Qazaqstannyń memleket basshysy taǵaıyndaǵan Qyrǵyzstandyǵy quzyretti ókil qatary elshini jáne qazaqstandyqtardy Tuńǵysh Prezıdent kúnimen quttyqtap, sózin áriden bastady. Nursultan Ábishuly Nazarbaevty budan 33 jyl buryn, 1986-jyldyń qarasha aıynda Shyńǵys Aıtmatov bastaǵan jazýshylar delegasııasynyń quramynda Qyrǵyzstannyń Qazaqstandaǵy mádenıet kúnderin ótkerýdiń aıasynda Almatyǵa barǵanda kórgenin eske aldy. «Sol kúnderdegi jınalysta Qazaq KSR Mınıstrler keńesiniń tóraǵasy N.Nazarbaev sóz sóılep, qyryq mınýt boıy qaǵazǵa qaramastan Qazaqstannyń ekonomıkalyq jaǵdaıyn kóptegen sıfrlar arqyly baıandap berdi. Sonda Nursultan Ábishulynyń tyńǵylyqty úkimet basshy ekeni óz aldyna, keremet fenomendi quıma qulaq jan ekenine tań qalǵanmyn(, - dedi A.Erkebaev. Keıin osy kisi memleket basyna kelgende, baýyrlastarymyz laıyqty adamdy tańdaǵanyna ılandym».
–Tuńǵysh Prezıdent Qazaqstannyń sanaýly jyldarda álemniń aldyńǵy otyz eliniń qataryna qosylýyna eńbek sińirdi, endi ol bastap bergen jolmen Qazaqstan álemniń damyǵan elý memleketiniń ishine kirýdi mejelep otyr. Jospar jasaý bar da, onyń oryndalýy bar. Bul strategııalyq maqsat ta oryndalady dep senemin, - dep jalǵady sózin tóraǵa.
–Elbasynyń eren eńbeginiń arqasynda Astana, qazirgi Nur-Sultan qalasy salyndy, endi Tuńǵysh Prezıdent Almatydan keıingi úshinshi megapolıs Shymkentpen kindiktes baıyrǵy shahar Túrkistannyń kaıta túleýine kóńilin burdy. Menińshe, Túrkistan qalasy bolashaqta túrki halyqtarynyń syıly astanasy ǵana emes, musylman elderiniń ortalyq qalasy bolady, - dep ol Qyrǵyzstan el Assambleıasy men Qazaqstan halyq Assambleıasynyń ortasynda áriptestiktiń jolǵa qoıylǵanyn, bul salada Qazaqstannan úırenerlik tájrıbeler mol ekendigin aıtyp, sózin túıindedi.
Jıynda sóz sóılegen Qyrǵyzstannyń memleket jáne qoǵam qaıratkerleri, Qyrǵyz Respýblıkasynyń Joǵarǵy Keńeshiniń depýtattary, Qyrǵyzstan el Assambleıasynyń tutymyndaǵy ulttyq ortalyqtardyń jetekshileri, belgili saıasatshylar jáne sarapshylar Tuńǵysh Prezıdent, Elbasy Nursultan Nazarbaevtyń halyqtar arasyndaǵy birlikti nyǵaıtýdaǵy orasan zor úlesin,Qazaqstanda Tuńǵysh Prezıdent kúniniń jyl saıyn saltanatty túrde atalyp kele jatqany Elbasynyń eńbegine kórsetilgen qurmet ekenin belgilesti.
Aıtaly, áıgili oqymysty, ustaz, saıasattaný ǵylymynyń doktory, professor Jolbors Jorobekov Astanaǵa Tuńǵysh Prezıdenttiń esimi uıǵarylyp, Nur-Sultan atalǵanyn týra bolǵanyn bildirdi. «Nege amerıkalyqtar Vashıngton dep Birinshi Prezıdentin dáriptep otyr, reseılikter nege Sankt-Peterbýrg dep Petr Birinshiniń atyn qaıta jańǵyrtty? Endeshe, Qazaqstannyń qaryshtap alǵa basýyna, tuǵyrly memleket bolýyna shoń salymyn qosqan, respýblıkanyń astanasyn álemdegi iri qalalardyń birine aınaldyrǵan Nazarbaevtyń atymen shahardyń Nur-Sultan dep atalýy zańdy qubylys» - dep esepteımin dedi J.Jorobekov. О́ńirlik sarapshylardyń «Pikir» klýbynyń teń tóraǵasy, memlekettik basqarý máseleleri boıynsha sarapshy Sherádil Baqtyǵulov Qazaqstandyq ultaralyq jáne konfessııaaralyq qatynastar modeli shetelderge, onyń ishinde Qyrǵyzstanǵa da úlgi bolyp otyrǵanyn óz baıanynda basa belgiledi.
О́ńirlik sarapshylardyń «Pikir» klýbynyń teń tóraǵasy, saıasattanýshy Igor Shestakov júrgizgen dóńgelek ústel Tuńǵysh Prezıdent, Elbasy týraly derekti fılmniń kórsetilýimen aıaǵyna shyqty.
Nazarbek BAIJIGITOV,
Qyrǵyz Respýblıkasynyń Úkimetiniń
«Qyrǵyz Týy» gazetiniń jaýapty hatshysy,
arnaıy «Egemen Qazaqstan» úshin
Qyrǵyz Respýblıkasy,
Bishkek qalasy
