«Búgingi kúni jaqsy jáne qanaǵattanarlyq jaǵdaıdaǵy oblystyq jáne aýdandyq mańyzy bar avtomobıl joldarynyń úlesi 2018 jylǵy 66 paıyzdan bıyl 69 paıyzǵa deıin ósti» dedi. Jalpy oblys óńirinde 9,3 myń shaqyrym jol bar, onyń 85 paıyzy jergilikti mańyzy bar joldar.
Oblysta aǵymdaǵy jyly kólik ınfraqurylymyn damytýǵa 37,3 mlrd teńge bólindi, ósimi 12 paıyzdy quraǵan. Bul 550 shaqyrymnan astam avtojoldy qaıta jańartýǵa jáne jóndeýge múmkindik berdi. Tek oblys ortalyǵynda ǵana joldardy salýǵa, qalpyna keltirýge jáne jóndeýge 7,7 mlrd teńge jumsaldy. Arhımed Begejanuly osy oraıda «Qostanaı» áýejaıynyń qaıta jańartylǵan ushý-qoný jolaǵy týraly da aqparat bere ketti. Jasandy ushý-qoný jolaǵynyń uzyndyǵy 300 metrge (2 814 m) jáne eni 15 metrge (60 m) keńeıtildi. Bul aerodromda jalpy salmaǵy 200 tonnaǵa deıingi ushaqtardyń barlyq túrlerin qabyldaýǵa jáne paıdalanýǵa múmkindik beredi. Aýdany 16,3 myń sharshy metr aerovokzal ǵımaratynyń aldynda áýe kemeleri turatyn perron salyndy.
QOSTANAI
