Qaýymdastyq Jastar jyly aıasynda ashylyp, qazirgi kezde balalar úıi tárbıelenýshileriniń áleýmettenýi baǵytynda ıgi sharalardy júzege asyryp keledi. Eresek ómirge qadam basqan jastardyń bilim alyp, jeke kásip ashýyna qoldaý kórsetip júrgen qaýymdastyq elimizdiń barlyq aımaqtarynda belsendi. Qaýymdastyq prezıdenti Rafael Gasanov qazirgi kezde barlyq memlekettik organdarmen baılanys ornatyp, úlken ómirge qadam basqan jastardy qoldaýǵa baǵyttalǵan jobalardyń úzdiksiz júzege asatyndyǵyn jetkizdi.
Saltanatty sharaǵa qatysqan Parlament Májilisiniń depýtaty I.Smırnova qoǵamda balalardyń balalyq shaǵy erekshe qorǵalýy qajet dep atap ótti. Olarǵa bilim alýǵa, erkin ári baqytty ómir súrýge bar jaǵdaılar jasalýy qajet. Biraq bul máselege ókinishke oraı biz turaqty kóńil bóle almaı kelemiz. Mundaı qaýymdastyqtar qoǵamǵa qajet. Jastarymyz qaı salada alsaq ta qoldaýǵa zárý. Búginde qoǵamda ózine-ózi qol jumsaý, jumyssyzdyq, t.b. máseleler jıi beleń alýda. Osy turǵyda jastardyń grant alyp, ary qaraı óz kásibin ashý, jumysqa ornalasýyna memleket tikeleı qoldaý kórsetýi tıis. Ári bul baǵytta qoǵamdyq uıymdardyń qoldaýy, jergilikti jerlerde kórinis tapqan kúrdeli máselelerdi sheshýge yqpal etýi asa mańyzdy. Qazaqstannyń balalar úıi túlekteri qaýymdastyǵy ótkizgen shara barysynda túıtkildi máselelerdiń sheshilýine qoldaý kórsetken memlekettik organdar mamandary marapattaldy.
ALMATY
