Olar halyqaralyq jáne respýblıkalyq saıystarda 90 altyn, 124 kúmis, 138 qola medaldardy ıelendi. Aıta keterligi, bizdiń oqýshylar 11 synyp oqýshylary arasyndaǵy Prezıdenttik olımpıadada, jalpy pánderdiń respýblıkalyq olımpıadasynda jáne ǵylymı jobalar boıynsha ótken baıqaýda komandalyq birinshi oryndy jeńip aldy.
Jaqynda Almaty ákimi Baqytjan Saǵyntaev halyqaralyq jáne respýblıkalyq olımpıadalar men baıqaýlardyń jeńimpazdary – qala mektepteri men kolledjderdiń oqýshylaryn quttyqtady, dep habarlady qala ákimdiginiń Baspasóz qyzmeti.
«Bul sizderdiń eren eńbekterińizdiń nátıjesi, daryndy ashyp, ony durys baǵytqa bura bilgen ata-analar men pedagogtardyń qoldaýy», - dep atap ótti B. Saǵyntaev.
Ol óziniń sózinde ázirlenip, qazirgi kezde qoǵamdyq talqylaýǵa usynylǵan «Almaty-2050» strategııasynda bolashaqtyń qalasyn damytýda zııatkerlikke erekshe mán beriletinin aıtty.
«Biz IT park quramyz, kreatıvti ındýstrııa jobalary basymdyq alatyndaı etip qala ekonomıkasyn qaıta jasaımyz. Demek, sender qazir alyp jatqan jáne keıin kolledjder men joǵary oqý oryndarynda jalǵastyratyn bilimderińdi osylarǵa jumsaıtyn bolasyńdar», - dedi qala ákimi B. Saǵyntaev.
Kezdesý barysynda oqýshylar birqatar usynystar aıtty. Onyń biri «Altyn daryn» erekshe tósbelgisin belgileýge qatysty boldy. Almaty ákimi bul bastamany qoldady jáne marapattyń dızaınyn balalardyń ózderi jasaýyn usyndy. Ol oqý jylynyń aıaǵynda tapsyrylatyn bolady.
Aǵymdaǵy jyly jaratylystaný-matematıka pánderi boıynsha ótken Prezıdenttik olımpıadaǵa elimizdiń barlyq óńirinen 174, onyń ishinde Almatydan 19 oqýshy qatysty. Olardyń arasynda 13 oqýshy júldeli oryndardy ıelendi. Komandalyq esepte almatylyqtar qatarynan jetinshi ret úzdik atandy.
«О́zin-ózi taný» páni boıynsha ótken respýblıkalyq olımpıadaǵa qatysqan 76 oqýshynyń úsheýi almatylyqtar. Balalar respýblıka boıynsha birinshi oryndy ıelendi. WorldSkills Kazakhstan 2019 Ulttyq chempıonatynyń qorytyndysy boıynsha 30 konkýrsanttardyń ishinde Almatydan qatysqan segiz oqýshy júldeli oryndardy jeńip aldy.
ALMATY
