Atalǵan blogtar arqyly turǵyndarkvazımemlekettik sektor uıymdarynyń birinshi basshylaryna («Kvazımemlekettik sektor uıymdary» bólimi) ózderiniń saýaldaryn joldaı alady.
Al, óz kezeginde kvazımemlekettik uıymdardyń birinshi basshylary turǵyndardyń ótinishine QR Zańnamasyna sáıkes, ýaqytyly jáne sapaly jaýap berýi tıis.
Máselen, buryndary ulttyq kompanııa basshylarynyń ózi jetekshilik etetin salada oryn alǵan máseleler boıynsha turǵyndarǵa jáne buqaralyq aqparat quraldaryna jaýap berýden jaltarý faktileri kóptep kezdesetin. Olar kóbinese, memlekettik organdarǵa silteme jasaıtyn.
Endi atalǵan jańashyldyq arqyly ulttyq holdıngter men kompanııalar basshylarynyń turǵyndar aldyndaǵy jaýapkershiligi odan ári arta túsedi.
Esterińizge sala keteıik, buryndary «Ashyq dıalog» portaly arqyly turǵyndar memlekettik organdardyń basshylaryna ǵana (mınıstrler men ákimderge) ótinish joldaı alatyn.
Búginde atalǵan portalda 71 uıymnyń birinshi basshylarynyń blogtary iske qosyldy (máselen, «Báıterek» ulttyq basqarýshy holdıngi AQ, «QazAgro» ulttyq basqarýshy holdıngi AQ, «Qazaqstan» RTRK AQ, «Qazavtojol» UK» AQ, «Ulttyq neırohırýrgııa ortalyǵy» AQ jáne t.b.).
Budan bólek, azamattar berilgen jaýaptardyń sapasyn baǵalaı alady. Iаǵnı, buny laık nemese dızlaık batyrmasyn basý nemese pikir qaldyrý arqyly júzege asyrýǵa bolady.
Tutastaı alǵanda, qalǵan memlekettik organdardyń kvazımemlekettik sektor uıymdarynyń birinshi basshylarynyń blogtaryn qurý boıynsha jumys aǵymdaǵy jyldyń sońyna deıin tolyqtaı aıaqtalatyn bolady.
