Kúlli álemniń kúlkisi
Bir azamat stansada syrtqa shyǵyp, qaıta minerinde, baıqamaı qarsy ketip bara jatqan poezǵa minip alady da, óz vagonyna, óz ornyna kelip otyryp joǵaryda jatqan azamatttan:
– Qaıda bara jatyrsyń? – dep suraıdy.
– Qaraǵandyǵa...
Bul sál oılanyp: «Oıpyr-aı-á, qazirgi tehnıkanyń damyp, jetilgenin qoısaıshy, bir mezgilde, bir vagonda , joǵarydaǵy Qaraǵandyǵa, al men Almatyǵa ketip baramyn...» – dep tańdanǵan kór.
***
Úılengennen keıin tórt aıdan soń áıeli ul tapqan jas áke kórshisinen:
– Munyń atyn kim qoıamyz? – dep surapty.
– Jelaıaq bolsyn! О́ıtkeni, basqa balanyń toǵyz aıda ótken jolyn bul tórt-aq aıda ótti ǵoı, – depti kórshisi.
***
Suraq: «Mılısıonerler kóshede nege úsheýden júredi?»
Jaýap: «Bireýi oqı alady, jaza almaıdy. Ekinshisi, jaza alady, oqı almaıdy. Al úshinshisi, jaza da, oqı da almaıdy, onyń mindeti – ana eki ıntellıgentti baqylaý».
***
– Sosıalıstik naryqtyq ekonomıkany kim oılap tapty?
– Pavlov.
– Bul qaısysy? Álgi oqymysty ma, joq, kommýnısi me?
– Kommýnıst.
– Báse, ózim de solaı oılap edim. Oqymysty Pavlov bolǵanda, áýeli ıtterge tájirıbe júrgizip alar edi...
***
– Qaharman qala Máskeýden shyqqan jylqy – qaharman qala Volgogradqa jete ala ma?
– Jete almaıdy, ony qaharman qala Týladaǵylar soıyp jep qoıady...
***
Áıel : – Eskertip qoıaıyn, endi bir saǵattan keıin úıge kúıeýim keledi.
Erkek: – Men eshqendaı ábestik istep otyrǵan joqpyn ǵoı.
Áıel: – Másele sonda. Al, ýaqyt degeniń zyrlap barady...
