Aımaqtar • 10 Jeltoqsan, 2019

Keńeste jastar máselesi talqylandy

20 ret kórsetildi

Oblystyq Qazaqstan halqy assambleıasynyń uıymdastyrýymen Dostyq úıinde Qoǵamdyq kelisim keńesiniń kezekti otyrysy bolyp ótti. Oǵan oblystyq aýylsharýashylyq basqarmasynyń basshysy Qambarbek Múbarakov, oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Gaýhar Qalmaqova, qala jáne aýdandardan kelgen kelisim keńesiniń ókilderi qatysty.

«Qoǵamdyq kelisim» KMM dırektorynyń orynbasary, oblystyq Qoǵamdyq kelisim keńesiniń tóraǵasy Asylbek Jumabaev «Dıplommen – aýylǵa» baǵdarlamasy men jastar praktıkasyn jetildirý máseleleri jaıly qysqasha aıtyp ótti.   

«Dıplommen – aýylǵa» baǵdarlamasynyń oryndalýy jaıly oblystyq aýylsharýashylyq basqarmasynyń basshysy Qambarbek Múbarakov habarlama jasady. Elbasy bastamasymen júzege asyrylyp kele jatqan áleý­mettik baǵdarlama   jastarymyzdyń mamandyqtaryna saı jumysqa ornalasýyna, sondaı-aq aýylda  jas mamandar qataryn tolyqtyrýǵa múm­kindik bergendigin tilge tıek etti.

2019 jylǵa 323 mamanǵa bir jolǵy kóterme járdemaqy tóleýge 61,6 mln teńge, turǵyn úı nesıesine 503 mamanǵa 1,9 mlrd teńge bólindi. Jalpy jyldan-jylǵa qatysýshylar qatary artyp kele jatqan jobany júzege asyrý aıasynda beriletin bıýdjettik nesıe kólemi boıynsha bıyl bizdiń oblys respýblıkada aldyńǵy qatarda tur.

Elbasy bıyl «Jastar jyly» aıasynda atalǵan jobaǵa engiziletin mamandyqtardyń tizimin keńeıtý jáne mamandarǵa tólenetin kóterme járdemaqy mólsherin 70-ten 100 aılyq eseptik kórsetkishke deıin arttyrýdy tapsyrǵan bolatyn. Osyǵan baılanysty, Ulttyq ekonomıka mınıstrligine 2020-2022 jyldary 2 971 mamanǵa kóterme járdemaqy berý jóninde engizilgen usynysqa sáıkes qosymsha  249,9 mln teńge bólindi.

Sonymen qatar 2020 jyly 566 mamandy turǵyn úı nesıesimen qamtamasyz etý úshin respýblıkalyq bıýdjetten 2 250,7 mln teńge qarjy bólindi, dedi basqarma basshysy.

Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Gaýhar Qalmaqova jastar tájirıbesin jetildirý boıynsha atqarylǵan sharalarǵa toqtalyp ótti. «Eńbek» memlekettik baǵdarlamasy aıasyndaǵy sharalarǵa jyl basynan 29649 adam qatystyryldy. Onyń ishinde, aýyl turǵyndarynyń úlesi 57 paıyz bolyp otyr. Kásipkerlik bastamalardy damytýǵa 10,5 mlrd teńge qarjy bólingen. Nátıjesinde 948 adam shaǵyn nesıe alyp, qosymsha 843 jańa jumys ornyn ashty. Jańa bıznes ıdeıalardy iske asyrýǵa arnalǵan memlekettik grantty ıelengen 2662 turǵyn óz kásipterin bastady.   

«Eńbek bırjasy» elektrondyq portalyn paıdalaný úshin halyq jáne jumys berýshiler arasynda  bos jumys oryndaryn usyný jóninde túsindirme jumystary keńinen júrgizilýde. Bıyl 13109 adamnyń 64 paıyzy jumyspen qamtý ortalyqtary, qalǵany  osy elektrondyq portal arqyly jumyspen qamtyldy.  

Jastar tájirıbesinen ótken mamandardyń turaqty jumyspen qamtylý deńgeıin kóterýge «Eńbek» baǵdarlamasyna jańadan engiziletin 2 joba múmkindik beredi. «Alǵashqy jumys orny» jobasy sheńberinde maman 2 jylǵa deıin jumyspen qamtylyp, alǵashqy jyldyń eńbek aqysy bıýdjetten sýbsıdııalanady. Al, «Urpaqtar baılanysy» jobasy boıynsha baǵdarlamaǵa qatysýshy zeınetkerlik jasqa jetken qyzmetker-tálimgerdiń qasyna 18 aıǵa turaqty jumysqa ornalasady.  Ári qaraı tálimgerdiń ornyn jas maman basady.

Otyrys aıasynda keńes músheleri jastardy aýylsharýashylyq salasyna tartý, tájirıbeden ótetin mamanǵa bilikti tálimgerdi bekitý jaıly pikirlerin bildirdi.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar