Almaty qalasynyń Bilim basqarmasymen birlese otyryp Worldskills Halyqaralyq standarttary boıynsha kolledj qabyrǵasynda eki jyl qatarynan «Sán munarasy» respýblıkalyq baıqaýy ótkizilip keledi. Baıqaý «Tigin óndirisi jáne kıimderdi úlgileý», «Shashtaraz óneri jáne sándik kosmetıka» boıynsha ótkizildi. «Kıim dızaıny» nomınasııasy boıynsha dızaıner – modelerler arasyndaǵy konkýrstyń nátıjesinde kolledj 1 orynǵa ıe boldy.Almaty memlekettik servıs jáne tehnologııalar kolledji kásibı daıyndyq standarttaryn arttyrý maqsatynda WorldSkills halyqaralyq qozǵalysynyń belsendi qatysýshysy. «Sán tehnologııasy» quzyrettiligi boıynsha ótken jyly júldeli oryndarǵa ıe bolsa, bıylǵy jyly Perızat Ádilbekqyzy ekinshi orynǵa ıe bolyp, qola medalmen marapattaldy.
Al jyl saıyn Taraz qalasynda ótetin Halyqaralyq «Babalar murasy» sán festıvalinde oıý-órnekpen zerlenip tigilgen «Uly dala jaýharlary» atty toptasy kórsetildi. Máskeý qalasynda ótetin «Etno-Erato» ulttyq kostıýmniń joǵarǵy úlgisi kórsetiletin Eýrazııalyq saıystan 2018 jyly «Etno v sovremennom stıle» nomınasııasy boıynsha «Gorodskoı kollaj» toptamasy júldeli 1 – oryndy ıelendi. Osy atalǵan saıys boıynsha 2019 jyly «Ruhanı jańǵyrý» baǵdarlamasy aıasynda oryndalǵan «Samǵaý» toptamasy «Retro etnıcheskogo kostıýma» nomınasııasy boıynsha júldeli 2-oryndy ıelendi.
Osy jetistikter biliktiligi joǵary oqytýshylar men óndiristik sheberlerdiń eńbegi. Almaty qalasy boıynsha ulttyq mýzeıdegi, Tuńǵysh Pezıdent saıabaǵyndaǵy uıymdastyrylatyn kórmelerge kolledj oqýshylarynyń qolynan shyqqan quraq kórpe men monshaqtardan oryndalǵan áshekeıler usynylyp keledi. Osy oraıda Almaty qalasynda ótken «KazNPÝ-Fashion days» konkýrsynda «Gorodskoı kollaj», «Ulytaý», «Art stıl» toptamalary ótıken jyly júldeli oryndardy ıelendi. Bıylǵy jyly Tashkent qalasynda ótken «ASPARA FASHION WEEK» konkýrsyna Almaty memlekettik servıs jáne tehnologııalar kolledji ulttyq naqyshty ustanyp oryndalǵan «Shyǵys» toptamasymen qatysty.
Kolledj oqýshylary óndiristik tájirıbeden tikeleı óndiristik kásiporyndarda nemese uıymdarda, olardyń kásibı sheberligin jáne kásibı derbestigin jetildirý maqsatynda ótedi. О́ndiristik tájirıbe kolledj oqýshylaryna alǵan bilimderin, bilikterin jáne daǵdylaryn qoldanýǵa, bekitýge jáne tolyqtyrýǵa, tehnologııalardyń, ekonomıkanyń, óndiristi uıymdastyrý men basqarýdyń jańa máselelerin zerdeleýge, jańa tehnologııalarmen, jabdyqtarmen, quraldarmen tanysýǵa múmkindik beredi. О́ndiristik tájirıbe qalanyń bazalyq kásiporyndaryndaǵy sharttarǵa sáıkes nemese shaǵyn jáne jeke kásiporyndardaǵy, fırmalardaǵy jeke hat – suraýlar boıynsha ótedi. Kolledjdiń bilimdi ári tájirıbeli stýdentterine suranys joǵary.
