Rýhanııat • 10 Jeltoqsan, 2019

Qostanaı oblysynda tarıhı-mádenı murany saqtaý ortalyǵy ashylýy múmkin

64 ret kórsetildi

Qazaq dalasynda erekshe qasterlenetin tabıǵı, mádenı mura jáne dinı sáýlettiń aıryqsha eskertkishteri, keseneler, sondaı-aq, Qazaqstan halqynyń jadynda óshpesiz iz qaldyrǵan tarıhı jáne saıa­sı oqıǵalarmen baılanysty oryndar az emes. Sonyń ishinde Tobyl-Torǵaı óńirinde de mundaı tarıhı hám mádenı mura jetkilikti.

Máselen, bıyl Qostanaı oblysynyń kıeli jerler tizimine qosymsha 9 nysan engizilipti.

 

Oblystyq Mádenıet basqarmasynyń basshysy Erlan Qalmaqovtyń aıtýyna qaraǵanda, óńirde 29 kıeli nysan bar. Atap aıtqanda, jalpyulttyq mańyzy bar – 10, óńirlik mańyzy bar 19 nysan tirkelgen. Olardyń qoljetimdiligin arttyrý jáne ınfraqurylymdy damytý boıynsha jasalǵan Jol kartasynyń sheńberinde 175 mln teńge jumsalǵan.

«Amangeldi, Jangeldın, Denısov, Qostanaı, Meńdiqara, Naýyrzym aýdandarynyń ákimdikteri 2018-2020 jyldarǵa arnalǵan Jol kartasynda kózdelgen is-sharalardy tolyq kólemde oryndady. Jangeldın aýdanynda jalpy somasy 3,65 mln teńgege Qazybaı áýlıe mazaryna qurylys jumystary júrgizilip, zııarat etýge kelgender úshin úı salyndy. Qobyzshy Tilep Aspantaıuly jerlengen jerde 12 mln teńgege mavzoleı turǵyzyldy. Beıimbet Maılın aýdanyndaǵy Jabaǵy Ipanuly batyrdyń jerlengen jerine qorshaýlar men qaqpa ornatylyp, kirme jol salyndy. Jalpy, oblystyń barlyq kıeli nysany qanaǵattanarlyq jaǵdaıda. Barlyq obektilerde QR kody bar úsh tildegi aqparattyq taqtaıshalar ornatylǵan» deıdi Erlan Qalmaqov.

Bıyl Qostanaı oblysynyń kıeli jerleriniń tizimine qosymsha 9 nysan engizilipti.

Taıaýda oblystyq Mádenıet basqarmasynyń basshysy oblys ákimine 2020 jyly tarıhı-mádenı murany saqtaý ortalyǵyn ashýdy usynǵan. Ortalyqtyń maqsaty óńirdiń tarıhı-mádenı murasyn dáripteý bolmaq. Mundaı ortalyqtar elimizdiń barlyq óńirinde jumys isteıdi.

Oblys ákimi Arhımed Muhambetov Mádenıet basqarmasy basshysynyń bul usynysyn qoldady. Sondaı-aq ákim óńirdi tanystyratyn 10-15 mınýttyq beınefılm jasaýdy tapsyrdy.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar