Sheberdiń aıtýynsha, saz balshyq syrttaı las bolyp kóringenmen, óte kirpııaz dúnıe. Qumyra jasaý úshin adamǵa eń aldymen shydamdylyq pen nıet, tazalyq kerek. Al adamdardyń kóbisi sol saz balshyqtan qoldan ár túrli buıymdar jasaýǵa bolatynyn bile bermeıdi.
Qolóner sheberiniń aıtýynsha, topyraqtyń balanyń densaýlyǵyna tıgizer paıdasy zor. Birinshiden, sazbalshyqtyń quramynda 60%-ǵa jýyq kalsıı elementteri bar. Iаǵnı sazdy ustaǵan kezde balaǵa alaqany arqyly organızmge paıdaly dárýmender taraıdy. Ony qolmen ıleý arqyly súıek qataıady. Ekinshiden, bala eńbekke úırenip, sheberligin shyńdaıdy.
Sonymen qosa, balalarǵa balshyq ıletý arqyly ár túrli psıho-fızıologııalyq aýrýlardyń aldyn-alýǵa bolady. Máselen, kóz, qulaq, muryn, syndy kórý, estý, sezý músheleriniń qabiletin jaqsartýǵa bolady. Almaty mýzeıinde mundaı sheberlik saǵattary balalardyń bos ýaqytyn tıimdi paıdalaný maqsatynda uıymdastyrylyp turady. Búginde bul qojetimdi kásip. Jańa tehnologııalar da qol jumysyn jeńildetýde. Adam densaýlyǵyna zor paıdasy bar kásipti jastar arasynda keńinen nasıhattaý ýaqyt ozdyrmaı qolǵa alatyn is deıdi mamandar.
ALMATY
