Almatyda ornalasqan Oral Tańsyqbaev atyndaǵy Almaty sándik-qoldanbaly óner kolledji keskindeme, teatr bezendirýshisi, músinshi, kórkem-tańba, kórkemdep aǵash óńdeýshi, qysh buıymdaryn kórkemdeýshi, kórkemdep metall óńdeýshi, kórkemdep mata bezendirýshi, kórkemdeýshi-sýretshi mamandyqtaryn daıarlaıtyn óner salasyndaǵy eń alǵashqy oqý orny bolyp sanalady.
1938 jyly qazaq kórkem sýret ýchılıshesi bolyp ashylǵan, munda alǵashqy jyldary bir mamandyq (orta mekteptiń sýret pániniń muǵalimi) boıynsha kadr daıarlady. 1992 jyly ýchılıshege O.Tańsyqbaev esimi berildi.
Qazaqstanǵa belgili keskindemeshiler A.Ǵalymbaeva, M.Kenbaev, S.Mámbeev, N.Nurmuhamedov, Q.Teljanov, t.b. osy kolledj túlekteri.
Seksen jyldan astam tarıhy bar salt-dástúrge baı shyǵarmashylyq ujym dırektory Qazaqstannyń eńbek sińirgen qaıratkeri professor Seıitqalı Shalabaevtyń aıtýynsha, ujymynyń alǵa qoıǵan maqsaty elimizdegi tehnıkalyq jáne kásiptik bilim berýdi damytýdyń 2011 -2020 jyldarǵa arnalǵan Memlekettik baǵdarlamasyn qoldaı otyryp, ulttyq ónerdi damytatyn baǵdarlamalar jasap, jas talanttardyń shyǵarmashylyq qabiletterin joǵary kóterip, bıik jetistikter shyńynan kóriný.
ALMATY
