Semınar Qazaqstandaǵy AQSh Mıssııasy jáne AQSh Memlekettik departamentiniń Terrorızmmen kúres bıýrosymen birlese uıymdastyryldy.
Is-sharaǵa Ortalyq Azııa memleketteriniń tájirıbeli mamandary, sondaı-aq aımaqtaǵy ǵylymı ortalyqtar men halyqaralyq uıymdardyń sarapshylary qatysty. Qazaqstandyq delegasııanyń quramynda Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi Elshisi Stanıslav Vasılenko, Aqtaý qalasynyń Ákimi Ǵ.Nııazov, Aqparat jáne qoǵamdyq damý mınıstrligi men Qaraǵandy oblysy ákimdiginiń ókilderi boldy.
S.Vasılenko óziniń sózinde zorlyq-zombylyq ekstremızm men terrorızmdi aldyn alý jáne onymen kúresý boıynsha Qazaqstan tarapynyńatqarypjatqan sharalarytýraly qysqasha aıtyp ótti. Jaqynda Iraktan 14 balanyń qaıtarylǵany týraly baıandap, ústimizdegi jyldyń basynda Sırııadan 600-den astam qazaqstandyqtardy qaıtarýǵa qoldaý kórsetkeni úshin AQSh tarapyna rızashylyǵyn bildirdi.
Almaty qalasyndaǵy AQSh Bas konsýly Erık Maıer, óz kezeginde, terrorıster qatarynda kúreskender men olardyń otbasy músheleriniń memleketke oralýy men olardy qoǵamǵa qaıta qosý jolyndaǵy Qazaqstannyń jetekshi róli úshin alǵysyn bildirdi. E.Maıer qatysýshylarǵa zorlyq-zombylyq ekstremızmniń búkil álemge tónip turǵan qater ekendigin, oǵan qarsy turýda jergilikti turǵyndar sheshýshi ról atqaratynyn atap ótti.
Qatysýshylar «Berik qalalardyń jelisi» platformasynyń qurylýy jáne onyń damý tarıhymen tanysty. Soǵys aımaqtarynan qaıtarylǵan azamattardy ońaltý jáne qoǵamǵa qaıta qosýda mýnısıpaldy organdardyń azamattyq qoǵammen jáne jergilikti qaýymdastyqtarmen ózara árekettesý róli qarastyryldy. Sonymen qatar is-shara barysynda osal toptardy anyqtaý, qaýipterdi baǵalaý tetikteri, is-sharalar josparyn ázirleý jáne basqa máseleler talqylandy.
Sarapshylar deńgeıinde «Berik qalalardyń jelisi» sheńberinde halyqaralyq qaýymdastyqpen tájirıbejáne aqparatpen almasý jergilikti deńgeıde zorlyq-zombylyq ekstremızmge tıimdi túrde qarsy turýǵa, sonymen qatar ony aldyn alýǵa baǵyttalǵan arnaıy baǵdarlamalar ázirleýge múmkindikter beredi. Semınar nátıjeleri Sırııa men Iraktan qaıtarylǵan Qazaqstan Respýblıkasynyń azamattaryn ońaltý jáne qoǵamǵa qaıta qosý sharalaryn júzege asyrǵan kezde eskeriletin bolady.
