Qoǵamdaǵy sybaılas jemqorlyq deńgeıin tómendetý jáne memlekettik basqarý ınstıtýtyna el senimin arttyrý maqsatynda qolǵa alynǵan bastamanyń biri jan-jaqty qoldaý tapty.
Keńseniń ashylýyna aımaq basshysynyń orynbasary Q.Jumashev, Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń birinshi orynbasary S.Qanybekov, «Mańǵystaý - adaldyq alańy» jobalyq keńsesiniń jetekshisi D. Úsipbaev qatysty.
Ákimdiktiń akt zalynda ótken jıynda sybaılas jemqorlyqqa qarsy júrgizilip jatqan negizgi basym baǵyttar týraly aıtyldy. Ásirese óńirde qoǵamnyń jemqorlyqqa tózbeýshiligin qalyptastyrýǵa arnalǵan sharalardyń sanyna emes sapasyna kóbirek kóńil bólý qajettigi sóz boldy.
Ásirese sybaılas jemqorlyq deńgeıin tómendetý, sybaılas jemqorlyqqa qarsy tózbeýshilikti qalyptastyrý jáne memlekettik bılik ınstıtýttaryna azamattardyń senimin arttyrýda árbir aýdan turǵyny óz úlesin qosýǵa shaqyrdy. Budan bylaı azamattar ózekti máseleler boıynsha memdekettik organ ókilderiniń qabyldaýda bolyp, ózderiniń usynystaryn jáne sheshimin tappaǵan problemalaryn ashyq jetkize alady.
Osylaısha qoǵam aldynda memlekettik apparat qyzmetiniń ashyqtyǵyn kórsetý jáne halyq pen bıliktiń baılanysyn nyǵaıtýǵa múmkindigi qazynaly Qaraqııa aýdanynda da uıymdastyryldy. Turmystyq jemqorlyqty joıý jáne keń aýqymdy qoǵamdyq baqylaýdy qamtamasyz etý bolyp tabylatyn bastama endigi jerde Jańaózen qalasy men Beıneý, Munaıly jáne Mańǵystaý aýdanynda jalǵasyn tappaq.
Shara barysynda Q.Jumashev, S.Qanybekov, D.Úsipbaev jáne aýdan ákimi Q.Bekov aýdan turǵyndaryn qabyldap, suraqtaryna jaýap berdi. Aıtylǵan usynystar men aryzdar boıynsha tıisti mekeme basshylaryna tapsyrmalar júkteldi.
