Qaganat jelisiniń bas aspazy – balalar úılerin 2 aı boıy dámdi as daıyndaýǵa baýlydy

Osylaısha, Qaganat qoǵamdyq ta­maqtaný jelisi men «AIаLA» qaıy­rymdylyq qory aspazdyq sheberliktiń eki aılyq kýrsy arqyly Almaty oblystyq №1 balalar úıi men oblystyq №15 mektep-ınternaty oqýshylaryn ómirge qulshyndyrǵan sátterge bóledi.

«AIаLA» qorymen birge balalar úıleri men mektep-ınternattardyń oqýshylaryn aspazdyq ónerge baýlý jobasyna qatysqanymyzǵa óte qýa­nyshtymyn. «AIаLA» qory – bizdiń baıyrǵy seriktesimiz, sondyqtan onyń saraptamalaryna senemin. Eger bizdiń baǵdarlamanyń túlekteri kásipqoı maman atanyp, qoǵamdyq tamaqtaný salasynda eńbek etetin bolsa, men baqytty bolar edim», deıdi Qaganat jelisiniń bas dırektory Chınara Býgımbaeva.

Mine, osylaısha brend-shef Marat Galeev 9-11 synyp oqýshylary úshin 8 aspazdyq dárisin ótkizdi. Shef-aspazdyń sheberlik dáristeri balalar úshin 2,5-3 saǵat boıy qyzyqty jáne túsinikti ótti. Marat Galeev aspazdyq kýrstarda balalar asa qıyndyqsyz óz betinshe daıyndaı alatyn taǵamdardy tańdaǵan. Árıne, jasóspirimder ustazdyń jetek­shiligimen ózderi jaqsy kóretin taǵam­dardy qosa ázirleýdi úırenip otyr.

Aspazdyq dárister márege jetken kezde №15 mektep-ınternattyń joǵary synyp oqýshylary BAQ ókilderimen, «AIаLA» qorynyń qyzmetkerlerimen jáne Marat Galeevpen birge fýrshet taǵamdaryn daıyndady. Balalar úshin bul da úlken mártebe boldy. Ádet­tegideı brend-shef dámdi ári paıdaly tamaq­tyń durys jáne tez ázirlenýin kórsetip qana qoımaı, fýrshettik má­zirdiń qyr-syryna qanyqtyrdy. She­berlik sabaǵy aıaqtalǵannan keıin balalar aspazdyq kýrstaryn aıaqtaǵany týraly sertıfıkattar aldy.

Osy bastama arqyly Almaty ob­lystyq balalar úıi men mektep-ın­ternattyń birneshe jasóspirimi bolashaqta kásibı aspaz bolýdy jáne osy baǵytta bilim alýdy jalǵastyrýǵa sheshim qabyldapty. Joba aıaqtalǵannan keıin Qaganat oblystyq balalar úıiniń eki balasyn bilimin jetildirýge kómektesýge daıyn ekendigin bildirdi.  

«AIаLA» qory «Kásibı baǵdarlaý» jobasyn 6 jyl boıy iske asyryp keledi. «Biz balalar úıleri men mek­tep-ınternattardyń balalaryna bolashaqta naqty qandaı kásip ıesi bolǵysyn keletinin túsinýge kómek­tesemiz. Sondyqtan olar úshin uıym­dastyrylatyn kýrstar men sabaq­tar tájirıbe júzindegi daǵdy arqy­ly bolashaq jumysyn túsinýge baǵyt­talǵan», dedi «AIаLA» qorynyń pre­zıdenti Aıdan Súleımenova.

ALMATY