Qoǵam • 13 Jeltoqsan, 2019

Qazaq etnografııalyq mektebi taqyrybynda I halyqaralyq konferensııasy ótti

148 ret kórsetildi

«Qazaq etnografııa mektebi», «Alǵashqylar» toptamasy. 1-shi konferensııa: Marat Muqanov» taqyrybynda Sh.Sh. Ýálıhanov atyndaǵy Tarıh jáne etnologııa ınstıtýtynda BǴM Ǵylym komıtetiniń qoldaýymen ótken halyqaralyq konferensııa  qazaqtyń kórnekti ǵalym-etnografy, tarıh ǵylymdarynyń doktory M.S. Muqanovtyń 90 jylǵa tolýyna arnaldy. Ǵylymı konferensııany Tarıh jáne etnologııa ınstıtýtynyń  dırektory, t.ǵ.d., professor Zııabek  Qabyldınov ashyp, sharanyń mańyzdylyǵyna toqtaldy.

Qazaqstannyń etnografııa ǵylymynyń tarıhyna jáne otandyq etnologııanyń ózekti máselelerine arnalǵan halyqaralyq konferensııalar toptamasy HH ǵasyrdyń II jartysynda qalyptasqan qazaq etnografııalyq mektebine, Qazaqstannyń ǵylymı etnografııalyq ǵylymyn damytýdaǵy jetekshi ǵalymdardyń róline basty nazar aýdarýdy maqsat etedi. Ǵalymdar basqosýy bul sharany Tarıh jáne etnologııa ınstıtýtynyń akademııalyq etnografııa-etnologııa bóliminde kóp jyldar eńbek ǵalymnyń  ómiri men qyzmetine arnaı otyryp, Qazaqstan men shekaralas memleketterdiń etnografııa ǵylymynyń negizgi tarıhı máselelerin, qazirgi kezeńdegi damýyn, ataqty etnolog-ǵalymdardyń ómiri men qyzmetin talqylaý baǵyt etip ustandy. Sh.Sh. Ýálıhanov atyndaǵy Tarıh jáne etnologııa ınstıtýtynyń mamandarymen birge, konferensııaǵa Reseı, Gúrjistan, Qyrǵyzstan, Mońǵolııa, Ýkraına ǴZI, joǵary oqý oryndarynyń ókilderi qatysty.

Plenarlyq jáne seksııalyq otyrystarda konferensııaǵa qatysýshylar HH ǵasyrdyń 2-jartysyndaǵy qazaq etnografııalyq mektebi: damý kezeńderi, baǵyttary, jetistikteri, ǵylymı nátıjelerdi jarııalaý máselesi, Qazaq etnografııalyq mektebin jasaýshylar: ujym jáne tulǵa,     Qazaqstan etnografııa ǵylymynyń tarıhy, Marat Muqanovtyń shyǵarmashylyq murasy men ǵylymı-mádenı mańyzy, dalalyq etnografııalyq jáne etnoarheologııalyq zertteýler ádistemesi,  Qazaqstannyń qazirgi kúngi etnologııasynyń ózekti máseleleri, Qazaqstandaǵy etnososıologııa men etnodemografııasy týraly túıtkildi máselelerdi talqylady.  Ǵalymdar sonymen qatar kúni búgin tolǵaǵy jetken Ǵylymı ortalyq - Etnologııa ınstıtýtyn ashý ári qurylymdyq-uıymdastyrýshylyq damýyna qatysty mańyzdy máselelerdi de talqylady. Osy oraıda «Mádenı mura», «Rýhanı jańǵyrý», «Uly dalanyń jeti qyry» baǵdarlamalaryn júzege asyrý maqsatynda etnologııalyq-etnografııalyq zertteýler júrgizý úshin respýblıkada mamandyrylǵan Etnologııa ınstıtýtynyń qurylýynyń mańyzdy ekendigi basty nazarda boldy.  

 

ALMATY

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar