Atalǵan departament elimizdegi quqyq qorǵaý qyzmetteriniń ishindegi eń alǵashqy bolyp tolyǵymen Open space formatyna kóshken organ. Eń mańyzdysy, departamenttiń jeke quramy tolyqtaı áınek kabınetterge kóshken.
Jumystyń jańa formatynyń tanystyrylymyna Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen elorda ákimi Altaı Kólginov qatysty.
Shara barysynda servıstik ortalyqtyń ǵımaraty, arnaıy konsýltasııaly-keńes berý bólmeleri, «Astana – adaldyq alańy» jobalyq keńsesiniń bólmesi, baspasóz ortalyǵy kórsetildi.
«Astana – adaldyq alańy» jobasynyń menedjeri Sh.Ismaılov sybaılas jemqorlyqqa qarsy qyzmettiń servıstik ortalyǵynda jobanyń tikeleı efıriniń kabınet-stýdııasyn ashqanyn, endi barlyq is-sharalar ınternet paıdalanýshylaryna tez ári sapaly túrde taratylatynyn aıtty.
Nur-Sultan qalalyq departament basshysynyń birinshi orynbasary Jazıra Jylqyshıeva atap ótkendeı, Open Space tehnologııasyn qoldaný memlekettik organdardyń azamattar úshin ashyqtyǵyna, jarııalylyǵyna jáne qol jetimdiligine taǵy bir qadam bolyp tabylady.
Elordalyq arnaıy monıtorıngtik toptyń múshesi Marat Satarqulov is júzinde «Ashyq bıýdjetterdiń ınteraktıvti kartasynyń» artyqshylyǵyn jáne bıýdjet qarajatynyń jumsalýyn qoǵamdyq baqylaý múmkindigin kórsetti. Sondaı-aq monıtorıng barysynda anyqtalǵan kemshilikterdi joıý boıynsha naqty mysaldar keltirdi.
О́z kezeginde Alık Shpekbaev: «ANTIKOR ORTALYǴY» azamattardyń ár suraǵyna jaıly, jedel ári tııanaqty jaýap alatyn ortalyǵyna aınalmaq. Búginde Qazaqstanda 5 servıs ortalyǵy ashyldy, olar ashyqtyq pen servıstiń vedomstvolyq saıasatyn kórsetedi», dedi.
