ULYSTYŃ ULY KÚNINDE

ULTTYQ SPORT TÚRLERI ULYQTALDY 21-22 naýryz kúnderi Ulys­tyń uly kúnine oraılastyrylyp Astana qalasynda ulttyq sport túrleri boıynsha sporttyq is-sharalar ótti. 21 naýryzda “Tul­par” ıppodromynda at sporty túr­lerinen, sondaı-aq ulttyq sport túrlerinen elordanyń bú­kil sport mektepteri men uı­ym­dary qatysqan alǵashqy me­re­kelik sharalar da kórermenderge us­ynyldy. Alaıda basty sport­tyq baǵdarlama 22 naýryz kúni “Han-Shatyr” alańynda, so­nymen qatar “Báıterek” moný­men­tiniń janynda ótken edi. Astana qalasynyń týrızm, dene tárbıesi jáne sport bas­qar­ma­synyń uıym­dastyrýymen ótken 12 sport túrleri boıynsha me­rekelik is-sharalarǵa 800-den astam úmitker men kórermender qatysty. Keıbir ulttyq sport túrleri As­tana qalasynda ótetin bu­qa­ra­lyq sporttyq baǵdarlamaǵa al­ǵash ret engizilgenimen, kó­rer­menderdiń kóńilinen shyqty. Máselen, buzaý kóterý. “Han-Shatyr” aldyndaǵy alańynda ótkizilgen bul sport túri úlken jankúıerler tobyn jınady. Adamdar bu­zaýdy kótere al­maǵan qa­ty­sý­shy­lar­dy de­mep, kótere al­ǵa­n­darǵa qoshemet kór­se­tip turdy. Ná­tı­je­sinde qatysýǵa nıet bildirgen 25 adamnyń ishinde buzaýdy 10 ret kótergen Darhan Qabyldın sol bu­zaý­ǵa ıe boldy. Jańadan qo­sylyp otyrǵan burynnan kele jat­qan sport oıyny – arqan sekirý de bu­qa­raǵa unaǵany sonsha, qatysamyn deý­shi­ler­diń sany birden artyp ketti. Balalardyń súıikti oıyny asyq atý – me­re­kelik is-sharalardyń ishindegi jıi qosylyp otyratyn sport túrine aınalǵany da qýan­tarlyq jáıt. “Báıterek” monýmentiniń aldynda uıymdastyrylǵan qazaq kúresi men qarııalar kúresinde de kórermender sany boıynsha asyp túspese, artta qalǵan joq. Naýryz meıramyna elordaǵa qonaq bolyp kelgender de qatysýshylardyń qa­tarynan kórindi. Olardyń arasynda Qaraǵandy, Shymkent,  Taraz, Semeı, Qostanaı, Arqalyq qalalarynyń ókilderi de boldy. Ábdirahman QYDYRBEK. ASTANA.