1921-1925 jyldary Semeı qalasyndaǵy balalar kommýnasyna qazaq tilinen sabaq beredi, qazaq bastaýysh mektebiniń meńgerýshisi bolyp isteıdi. Ara-tura aýylǵa baryp, áke-sheshesiniń sharýashylyǵyna kómektesip turýdy da esten shyǵarmaıdy. qoǵamdyq jumystarǵa atsalysýy osy kezderden bastalady. Bolshevıkter qataryna ótedi. Isker de bilgir basshy retinde 1925 jylǵy qyrkúıek aıynda óskemen BK(b)P ýezdik komıtetiniń uıymdastyrý bóliminiń meńgerýshiligine joǵarylatylady. Bul qyzmette eki jyldaı istep, 1927 jyly Máskeýge oqýǵa attanady. 1930-1933 jyldary Almaty oblysyndaǵy Jarkent jáne Syr óńirindegi Qyzylorda aýdandyq partııa komıtetteriniń hatshysy bolyp isteıdi.
1932 jylǵy 14 tamyzda “Aýyl kommýnısi” (qazirgi “Aqıqat”) jýrnalynyń jaýapty redaktory bolyp bekitiledi. Al 1932 jyldyń sáýirinen 1934 jyldyń naýryzyna deıin “Sosıalıstik Qazaqstan” gazetiniń jaýapty redaktory bolady.
1934 jyly qaıtadan partııalyq jumysqa aýystyrylady. Alǵash BK(b)P Qaraǵandy oblystyq komıtetiniń ekinshi hatshysy bolyp isteıdi de, keıin oblystyq atqarý komıtetiniń tóraǵalyǵyna saılanady. Bul qyzmette eki jyldaı bolady. 1936 jyly Aqtóbege jiberiledi. Sóıtip BK(b)P oblystyq komıtetiniń birinshi hatshysy bolyp isteıdi.
1937 jyly tutqynǵa alynyp, 1938 jylǵy 15 aqpanda KSRO Joǵary Sotynyń áskerı alqasy atý jazasyna kesti. Úkim oryndaldy. 1960 jylǵy naýryzda Aıtmuhamed Mýsın aqtaldy.
