Is-sharaǵa Prezıdent Q.Toqaev jáne elimizdiń basqa da joǵary laýazymdy tulǵalary qatysty.
«Altyn sapa» baıqaýynyń «Qyzmet kórsetetin úzdik kásiporyn» atalymy boıynsha júldesin «Caspian Engineering & Research» JShS jeńdi.
«Qazaqstannyń úzdik taýary» baıqaýynyń «О́ndiristik maqsattaǵy úzdik taýar» atalymynyń jeńimpazy - «Shyny talshyqty qubyrlar zaýyty» JShS bolyp tabylsa, «Altyn oımaq» baıqaýynyń «Ulttyq naqyshtaǵy aksesýarlardyń úzdik dızaıny» júldesi - Jańaózendik «QAZAQ» brendine buıyrdy.
«Paryz» júldesiniń «Eńbek qorǵaý salasyndaǵy úzdik kásiporyn» atalymy boıynsha jeńimpaz – «KAZ M-1» JShS atansa, «Paryz» júldesiniń «Eńbek qorǵaý salasyndaǵy úzdik kásiporyn» atalymy boıynsha júldeni «Munaıgazqurylys» JShS jeńip aldy.
Qazaqstan Prezıdentiniń «Altyn sapa» syılyǵyn ıemdený úshin baıqaý men «Qazaqstannyń úzdik taýary» baıqaý-kórmesi QR Prezıdentiniń 2006 jylǵy 9 qazandaǵy № 194 «Qazaqstan Respýblıkasy Prezıdentiniń «Altyn Sapa» syılyǵyn alýǵa arnalǵan konkýrs týraly» Jarlyǵymen jeke óndiristi damytý jáne taýarlar men qyzmetterdiń sapasyn úzdiksiz jaqsartý maqsatynda quryldy.
Baıqaý «О́ndiristik maqsattaǵy úzdik kásiporyn»; «Halyqqa arnalǵan taýar shyǵaratyn úzdik kásiporyn»; «Qyzmet kórsetetin úzdik kásiporyn»; «Azyq-túlik taýarlaryn jáne/nemese aýyl sharýashylyǵy ónimderin shyǵaratyn úzdik kásiporyn» syndy tórt atalym boıynsha ótkizildi.
Ár atalymda shaǵyn, orta jáne iri kásipkerlik sýbektileri sanattary boıynsha úsh syılyqtan beriledi. Jyl saıyn elimizdiń 200-den astam kásiporny «Altyn sapanyń» úmitkeri bolady.
«Qazaqstannyń úzdik taýary» respýblıkalyq baıqaý-kórmesi úsh nomınasııa boıynsha ótkizildi: «О́ndiristik maqsattaǵy úzdik taýarlar»; «Halyqqa arnalǵan úzdik taýarlar»; «Úzdik azyq-túlik taýarlary».
Baıqaýlardyń laýreattary men dıplomanttary tórt jyl boıy baıqaý emblemasyn jarnamalyq maqsatta paıdalaný quqyǵyn aldy.
