Terrorızm búginde halyqaralyq deńgeıde álem elderine qaýip tóndirip otyrǵany belgili. Sharaǵa eriktiler retinde Almaty energetıka jáne baılanys ýnıversıtetiniń stýdentteri qatysty.
Almaty qalasy Qoǵamdyq damý basqarmasynyń bastamasymen aǵymdaǵy jyly «Monıtorıng jáne taldaý ortalyǵy» qalanyń meshitterinde, memlekettik jáne bıýdjettik uıymdarda jáne óndiris kásiporyndarynda din salasyndaǵy memleket saıasaty týraly 600-den astam aqparattyq-túsindirý jumystaryn uıymdastyrdy.
Qoǵamdyq prosessterdi zertteý jáne taldaý ortalyǵy» qoǵamdyq qorynyń atqarýshy dırektory, dintanýshy Tolǵanaı Mustafına «Meshit jamaǵattarynyń ózinde eshbir qaýip bolýy múmkin emes. Biraq qyz-kelinshekter dinı bilimge, dinı talaptarǵa sáıkes ómir súrýge qyzyǵýshylyq bildire otyryp, ózderiniń bolashaqtaryn dindegi azamattarmen baılanystyrýǵa tyrysady. Ol izdenis ádette meshitten tys ortada, kóp jaǵdaıda ǵalamtor keńistiginde júzege asady. Mine, osy kezde dinı bilimin endi alyp jatqan jas qyz nemese kelinshek oń men soldy ajyrata almaý qaýpi bar. Másele jas qyz-kelinshekterdiń dármensizdiginde emes, destrýktıvti ıdeologııanyń ár túrli formada kelip yqpal etýinde. Sondyqtan biz meshitten dinı saýattylyǵyn arttyrýǵa keletin qyz-kelinshektermen psıhologtardy tartý arqyly túrli trenıngter, zaıyrly memlekettegi memleket pen dinniń ara-qatynasy rettelýiniń erekshelikterin túsindirýge baǵyttalǵan profılaktıkalyq suhbattar ótkizemiz» deıdi.
«Monıtorıng jáne taldaý ortalyǵy» derekterine súıensek, durys baǵyttaǵy dinı tárbıe, tereń bilim búgingi qoǵamǵa asa qajet. Osy baǵytta elimizde qyz-kelinshekterge arnaıy dinı bilim beretin 6 bilim shańyraǵy, ıaǵnı Nur-Múbarak Egıpet ıslam mádenıeti ýnıversıteti jáne Qazaqstan musylmandary dinı basqarmasyna qarasty 5 orta arnaýly oqý oryndary jumys isteıdi. Odan ózge 900-den astam meshitte arnaıy tegin bilim berý kýrstary bolsa, onyń barlyǵynda da áıelder jamaǵatyna alǵashqy saýat ashý dáristeri qamtylǵan. Soǵan qaramastan áıelder qaýymynyń dinge bet burýynda jat aǵymǵa ketýden saqtandyrý sharasy memlekettik din saıasatynyń bir tarmaǵyna aınaldy.
ALMATY
