Azamattyq hal aktilerin tirkeý salasyndaǵy memlekettik qyzmetterdi ońtaılandyrý maqsatynda «Neke (erli-zaıyptylyq) jáne otbasy týraly» Kodekstiń (budan ári – Kodeks) 50-den astam babyna ózgerister engizildi.
Azamattarǵa yńǵaıly bolý úshin azamattyq hal aktilerin tirkeýdiń barlyq túrin tirkeý, qaıtalama kýálikter men anyqtamalar alý boıynsha eksaýmaqtyq qaǵıdat engizildi. Endi qaıtalama týý týraly kýálik qajet bolǵan jaǵdaıda azamat qaı aımaqta týǵanyna qaramastan, kez kelgen tirkeýshi organǵa baryp, qaıtalama týý týraly kýáligin ala alady.
Ata-analardyń tańdaýy boıynsha sms-habarlama arqyly týýdy proaktıvti jolmen tirkeýge bolady.
Anasynyń jeke basyn kýálandyratyn qujatynyń bolmaýyna qaramastan, balanyń týýyn tirkeý jáne týý týraly kýálik berý múmkindigi qarastyrylǵan. Osy oraıda, balalarda týǵan kezinen bastap azamattyqtyń bolmaýy máselesi sheshiledi.
Sonymen qatar defıs arqyly qosarlanǵan esimder men ákesiniń atyn jazý múmkinshiligi qarastyrylǵan. Mysaly: eger ákesiniń aty Álı-Asqar bolsa, balanyń ákesiniń atyn Alı-Askarovıch nemese Álı-Asqaruly dep kórsetýge bolady.
Bala Qazaqstan Respýblıkasynan tys jerde týǵan jáne sol memlekettiń týý týraly kýáligi bolǵan jaǵdaıda týýyn tirkeýge negiz bolatyn qujattardyń tizimi keńeıtildi.
Mysaly, balaǵa О́zbekstan Respýblıkasynda týǵan jeri boıynsha týý týraly kýáligi berilgen bolsa, jańa túzetýlerge sáıkes naqty týǵan jeri kórsetilgen qazaqstandyq úlgidegi týý týraly kýálikti balanyń ata-anasy tirkeýshi organnan alýyna bolady.
Atalǵan novella ata-analarǵa mektepke deıingi bilim berý uıymdaryna kezekke turý, densaýlyq saqtaý uıymdaryna tirkelý, járdemaqy alý, qaryz júktemesin alyp tastaý jáne t.b. memlekettik qyzmetterdi elektrondy túrde alýǵa múmkindik beredi.
Azamattyq hal aktilerin tirkeýdiń keıbir túrleri olardyń avtomattandyrylýyna baılanysty alynyp tastaldy.
Eki kýáliktiń: asyrap alý nemese áke bolýdy anyqtaý jáne týý týraly kýáliktiń ornyna tirkeýshi organ balanyń jeke jáne ata-anasy týraly málimetteri kórsetilgen týý týraly kýálik qana beredi.
Sot sheshimi negizinde neke buzýdy tirkeý tártibi avtomattandyryldy. Atalǵan málimetter Ádilet mınıstrliginiń aqparattyq júıesine avtomatty túrde túsedi jáne neke qııý týraly akt jazbasyna nekeniń buzylǵandyǵy týraly belgi qoıylady.
Azamattardyń memlekettik organdardyń aqparattyq júıelerinen alýǵa bolatyn qujattardy (sot sheshimderi, medısınalyq anyqtamalar, Qazaqstan Respýblıkasynda tirkelgen aktiler týraly aqparat jáne t.b.) memlekettik organdarǵa usyný qajettiligi joıyldy.
Joǵaryda atalǵan barlyq novellalar azamattardyń ýaqyt jáne qarajat shyǵyndaryn qysqartý, sonymen qatar memlekettik qyzmet kórsetý prosesin sıfrly formatqa kóshirý múmkindigin beredi.
