Mysalǵa, ótken 9 aı aralyǵyndaǵy kórsetkish boıynsha tekserýden ótken turǵyndardyń 21,2 prosentinen onkologııa dertiniń alǵashqy belgileri anyqtalǵan. Arǵy jyly bul kórsetkish tirkelgen adamdardyń 20 prosenti shamasynda bolǵan eken. Al syrqattyń III-IV stadııasyndaǵy adamdar qatary Aqsý aýdanynda 12,5 prosentten 28,6 prosentke, Kerbulaq aýdanynda 9,1 prosentten 22,2 prosentke, Uıǵyr aýdanynda 30 prosentke jáne Jambyl aýdanynda da 16,3 prosentke kóbeıse, buryn bul dert belgileri tirkelmegen Balqash aýdanynda birden 33,3 prosentke artýy baıqaldy.
-Oblys onkologtarynyń janqııarlyq jumysynyń nátıjesinde asqynǵan aýrýlardan qaıtys bolatyndar sany azaıdy. О́tken 9 aıda 100 myń turǵynǵa shaqqanda 57,4 jaǵdaı tirkeldi, burnaǵy jyly bul kórsetkish 61,9 oqıǵaǵa deıin bolǵan. Aýrýdyń alǵashqy belgilerin anyqtaý barysynda jekelegen aýdandarda qaýip seıildi. Aqsý aýdanynda 13 prosentten 7,1 prosentke deıin, Eskeldi aýdanynda 29 prosentten 11,1 prosentke deıin I stadııadaǵy naýqas sany tómendedi, deıdi Taldyqorǵan qalasyndaǵy oblystyq onkologııa dıspanseriniń bas dárigeri Danııar Oralbaev.
