BIRDE...
Saılaý kezinde Brejnev Grýzııaǵa kelip aýyl aralap júrip bir qoı jetektep bara jatqandy toqtatyp:
– Genasvale, qoıyńdy satshy?! – deıdi synap.
– Al, tańdańyz, – deıdi anaý japadan-jalǵyz qoıyn aldyna tartyp.
– Ne tańdaıtyny bar, qoıyń bireý ǵana ǵoı.
– Siz de bir ózińiz, biz de sizdi tańdap saılap jatyr emespiz be...
***
Sherlok Holmas pen doktor Vatson birde qala syrtynda palatka tigip alyp túnep jatypty. Tún ortasynda Vatson Holmsty túrtip oıatyp, tóbeden tónip turǵan juldyzdy nusqap:
– Sonaý shoq juldyz bizge bir nárseni meńzemeı me? – dep surapty.
– Joq-a... Ne, sizge bir belgi bere me?
– Maǵan ol aıtady: sizderdiń palatkilerińiz qoldy bolyp ketti deıdi...
***
Charlı Chaplınniń ónerine tánti bolyp, ol oınaǵan rólderge rıza bolyp júretin Albert Eınshteın birde oǵan: «Sizdiń qaı kınońyzdy alsaq ta búkil elge túsinikti ǵajap dúnıe. Siz kóp ótpeı uly adamdardyń qatarynan oryn alasyz» – dep hat jazyp jiberipti.
Buny oqyǵan Charlı Chaplın birden: «Men sizdi maqtan tutamyn, bas ıemin. Sizdiń salystyrmaly teorııańyz kópshilikke túsiniksiz dúnıe bolsa da, siz qazirdiń ózinde uly adamdardyń qataryndasyz» dep jaýap hat jazyp jiberipti.
***
Bir áıel birde Bernard Shoýdan:
– Allataǵala nege aldymen erkekti, sodan soń baryp áıeldi jaratty eken? – dep synaı suraǵanda, uly jazýshy: – E, erkekti jaratqan kezde áıel jaryqtyq aqyl aıtyp mazalamasyn degen bolý kerek, – dep mysqyldaı jaýap qaıtarypty.
***
Aǵylshyn astronomy Djon Gershel tún mezgilinde aspan álemine kóz tigip jumys istep otyrǵanda úı sypyrýshy áıel taqap kelip: – Gershel myrza, aıtyńyzshy, basqa planetalarda da kúl-qoqys bola ma eken osy? – dep kekesin suraq qoıǵanda, ǵalym: – Dóp basyp aıta almaımyn, biraq onda oıly adamdar bolsa, kúl-qoqys, árıne, bolady, – degen eken.
