«Úzdik jyldyq esep» nomınasııasynda jyldyq esep pen turaqty damý týraly esep birge baǵalanady. Saraptamalyq komıssııa eseptiń aqparattyq tolyqtyǵyn, onyń qurylymy men oqylymyn saralaıdy. Buǵan qosa, QMG «Jyldyq esepte ESG-aqparatynyń tolyq ashylýy» attyqosymsha nomınasııany da (Turaqty damý týraly esep) ıelendi. Bul nomınasııada korporatıvtik basqarý men turaqty damý máseleleri boıynsha (sonyń ishinde áleýmettik saıasat pen qyzmetkerlerdi basqarý, qorshaǵan ortany qorǵaý jáne basqa) aqparattyń ashylýyna baǵa berildi.
Sondaı-aq birqatar nomınasııada QMG-nyń enshiles jáne táýeldi uıymdarynyń jyldyq esepteri men turaqty damý týraly esepteri úzdik tanylǵanyn atap ótken jón. Atap aıtqanda, «QazTransOıl» AQ «Jyldyq esepte strategııanyń úzdik ashylýy» nomınasııasyn jeńip aldy. «Embimunaıgaz» AQ «Jyldyq eseptiń úzdik ınteraktıvti nusqasy» sanatynda jeńimpaz atandy. Al «Qarashyǵanaq Petroleým Opereıtıng B.V.» turaqty damýdy basqarý máselelerin úzdik kórsetip ashqany úshin marapatqa ıe boldy.
Bıylǵy baıqaýdyń barysynda qazaqstandyq kompanııalardyń, onyń ishinde 35 qarjy uıymy men 69 qarjylyq emes uıymnyń 111 jyldyq esebi men turaqty damý týraly esepteri taldandy. Basty maqsat – kompanııalardyń múddeli taraptary úshin aqparatty tıimdi ashýyna yqpal etý. Baıqaýdyń nátıjesin saraptamalyq komıssııa qorytyndylady. Onyń quramyna korporatıvtik basqarý jáne eseptilikti daıyndaý salasyndaǵy kásibı mamandar kirdi.
