«Buǵan deıin de talqylanyp, qoǵamda qyzý pikirtalas týdyryp kele jatqan taǵy bir mańyzdy másele - bul Qylmystyq kodekstiń jala týraly 130-baby. Ulttyq keńestiń birinshi otyrysynda da bul másele kóterilgen edi. Bul bapty dekrımınalızasııalaý usynyldy. Dese de qarsy argýmentter de bar. Keıbir qoǵam músheleri, tipti quqyq qorǵaýshylar Qylmystyq kodekste bul normany saqtaýdy jaqtap otyr. О́ıtkeni áńgime adamnyń quqyǵyn qorǵaý, onyń abyroıy men ar-namysyn saqtaý jaıynda bolyp otyr. Keıbir memlekettik organdar 120-baptyń birinshi tarmaǵyna ǵana ózgertýler engizýdi usyndy», Qasym-Jomart Toqaev.
Memleket basshysynyń aıtýynsha, Qylmystyq kodekstiń 130-babyn ózgertý máselesi boıynsha ǵana Ulttyq keńes músheleri men memlekettik organdar ókilderiniń qatysýymen birneshe jumys talqylaýy ótken.
«Barlyq ustanymdardy jáne bul máseleniń erekshelikterin saraptaý qorytyndysy men Qylmystyq kodekstiń 130-babyn dekrımınalızasııalaý jáne ony Ákimshilik kodekske aýystyrý týraly sheshim qabyldadym. Buǵan qosa, ózge adamdardyń quqyǵyna kepil berý jáne olardy jala ósek pen orynsyz aıyptaýlardan qorǵaý úshin jaýapkershiliktiń joǵary sharalaryn saqtaý qajet», dedi Prezıdent Ulttyq qoǵamdyq senim keńesiniń ekinshi otyrysynda.
