Almatylyq ǵalymdar adam aǵzasyndaǵy qaterli isiktiń bar-joǵyn anyqtaıtyn tyń tásil oılap tapty. Onyń kómegimen obyr syrqatyn bar bolǵany on mınót ishinde anyqtaýǵa bolady. Bul týraly «Jetinshi» telearna habarlady.
Almaty qalasynda ornalasqan Qazaqstan-Japon ınnovasııalyq ortalyǵynyń qyzmetkerleri qan quramyndaǵy sary sýdy jaqynnan sáýlelendirý arqyly qaı músheniń obyrǵa shaldyqqanyn dóp basyp aıta alady eken. Úsh jyl buryn qolǵa alynǵan bul istiń nátıjesi bar sekildi. Osy ýaqyt aralyǵyna deıin ǵalymdar jeke klınıkalarmen birlesip, myń jarymǵa tarta azamattyń qan quramyn teksergen. Al onyń qorytyndysy is júzinde dáleldengen. Qazaqstan-Japon ınnovasııalyq ortalyǵynyń dırektory Dıas Myrzaqojanyń aıtýynsha, qaterli isikti jedel anyqtaıtyn tyń tásil áli medısına salasyna tolyq engizilmegen. Sebebi, ony iske asyrýǵa qarjy tapshylyǵy kedergi keltirip tur.
Danııar Túımebaı.
