Nıgerııanyń soltústigindegi Chad ózeni jaǵalaýynda ornalasqan Baga aýylynda «Boko haram» terrorıstik uıymynyń sodyrlary 20 beıbit turǵyndy atyp óltirgen. Bul týraly Nıgerııa BAQ ókilderiniń málimetine silteme jasaǵan ITAR-TASS habarlady.
Áskerı aqparat kózderiniń málimetine súıensek, Nıgerııanyń soltústik-shyǵysynda polısııa men áskerıler lańkesterge qarsy birlese is-shara ótkizip, nátıjesinde sodyrlar negizgi bazalaryn tastap, Kamerýnmen shekaralas jatqan taýly aımaqtarǵa qashýǵa májbúr bolǵan. Ol jerde olar qaıta toptasyp, jańa shabýyldar daıyndaıtyn kórinedi.
Nıgerııa prezıdenti Gýdlak Djonatan 14 mamyr kúni Borno, Iobe men Adamava shtattarynda tótenshe jaǵdaı engizdi. Chad kóliniń jaǵalaýynda ornalasqan shalǵaı aýdandardy sodyrlardan bosatý úshin arnaıy operasııa júrgizýge ásker jiberildi. Halyqty qorqytý men óz baqylaýlarynda ustaý maqsatynda «Boko haram» sodyrlary jıi-jıi beıbit nysandarǵa shabýyldaýda. Sońǵy aı ishinde lańkester tórt mektepke shabýyl jasap, ondaǵan oqýshyǵa ajal qushtyrǵan.
Aıdar О́risbaev.
