Tehnologııa • 24 Jeltoqsan, 2019

DC zertteýi: Sıfrly transformasııany jalǵastyrý úshin AT biliktiligin arttyrý asa mańyzdy

22 ret kórsetildi

Bizdiń zamanymyzda árbir kompanııa sıfrly uıymǵa aınalyp jatyr. Kásiporyndar men búkil salalar túbegeıli ózgeristerden ótýde. Bul jumys oryndary men qyzmetkerlerdiń biliktiligine jańa talaptardy qoıatyn, bolashaqtaǵy saldary tereń tóńkeristiń naq ózi. Bulttyq tehnologııalardy, jasandy ıntellektini jáne basqa da ozyq tehnologııalardy endirý shapshańdap barady. Alaıda sıfrly transformasııany júzege asyryp, báseke qabilettiligin arttyryp ósý úshin kompanııalarǵa tek qana tehnologııalar qajet emes.  

IDC analıtıkteriniń Microsoft  korporasııasyna arnap júrgizgen «Ortalyq jáne Shyǵys Eýropadaǵy sıfrly daǵdylardyń jaǵdaıy» (The State of Digital Skills in CEE) atty jańa zertteýi qyzyqty nátıjelerdi kórsetip otyr. Máselen, bulttyq tehnologııalardy endirip jatqan Shyǵys jáne Ortalyq Eýropadaǵy kompanııalarda AT biliktiligi bar mamandarǵa degen qajettilik basqa kompanııalarǵa qaraǵanda 35%-ǵa joǵary eken. Osynyń nátıjesinde bıznes qazirdiń ózinde tájirıbeli kadrlardyń tapshylyǵyna tap bolyp otyr: osy elderdegi qyzmetkerlerdiń 3,5%-y ǵana búgingi kúni AT biliktiliginiń talaptaryna tolyǵymen jaýap bere alady. Tıisti sharalar qabyldanbasa, suranys pen usynys arasyndaǵy alshaqtyq arta bermek.

Qazaqstan ekonomıkasynyń damý qarqynyn shapshańdatyp, azamattardyń ómir sapasyn kóterýge baǵyttalǵan «Sıfrly Qazaqstan» baǵdarlamasyn júzege asyrý aıasynda memlekettik qyzmetterdiń elektrondyq formatqa ótýi 2020 jylǵa qaraı 80%-dy quraýy tıis. Birinshi kezekte, aqparattyq-kommýnıkasııalyq tehnologııalar salasyndaǵy mamandardyń asa tapshy bolýyna baılanysty Qazaqstan bul kózdegen maqsatyna jetpeı qalýy múmkin.

Qazir ózekti bolyp otyrǵan bes daǵdylarǵa analıtıkter avtomattandyrý jáne robottandyrý, úlken derekterdi taldaý, jańa sáýletterge ótý (máselen, bulttyq), mobıldilik jáne netvorkıng syndy bilimderdi jatqyzyp otyr. Taıaý 2-3 jylda birlesken jumysty júrgizý úshin qosymshalardy qoldana bilý, sondaı-aq, aqparattyq qaýipsizdik pen derekterdi qorǵaý salasyndaǵy bilimder asa kókeıtesti bola túspek.

2019 jyldyń sáýirinde Ál-Farabı atyndaǵy QazUÝ-de Microsoft-tyń AT-akademııasynyń ashylý saltanaty ótti. Akademııa tehnologııaǵa baǵdarlanǵan ekonomıkada jetistikke jetý úshin qajetti oqý baǵdarlamalaryn usynady.

Ál-Farabı atyndaǵy QazUÝ, Satbayev University jáne «Astana IT University» syndy oqý oryndarymen О́zara túsinistik týraly memorandýmdarǵa qol qoıyldy. Mámilelerdiń sharty «Sıfrly Qazaqstan» memlekettik baǵdarlamasynyń  mindetterin júzege asyrý aıasynda ýnıversıtetterdi sıfrge kóshirý jobalaryn, Microsoft-tyń bilim berýge arnalǵan ozyq tehnologııalary men sheshimderin qoldana otyryp bilim berý úderisin daıyndaýǵa baǵyttalǵan.

«Microsoft bolashaq býyndy jarqyn sıfrlik keleshekke daıyndaý úshin Qazaqstannyń bilim berý sektorynda bastamalardy júzege asyryp jatyr. Qaı pándi almasaq, AT daǵdylary men quzyrettilikterin meńgerýdiń róli artyp kele jatqandyǵy anyq, sondyqtan biz osy tehnologııalar men quraldardy árbir azamat úshin qoljetimdi etýge kómektesip jatyrmyz», - dep atap ótti Microsoft Qazaqstan bilim berý sektorymen jumys júrgizý jónindegi basshysy Nurlan Jánibek.

IDC zertteýi Qazaqstanǵa qatysty asa optımıstik baǵalaý berip otyr: Qazaqstan IT naryǵynda sapaly ózgeristerden ótý úshin búkil qajetti alǵysharttar bar. IDC analıtıkteriniń pikirinshe, naryqtyń oń qarqynmen damýy bıznes pen memlekettiń IT-saıasatta sapaly ózgeristerdi júzege asyrýǵa qanshalyqty daıyn bolýymen baılanysty bolmaq.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar