«Atameken» UKP tóraǵasy A. Myrzahmetov baıandama jasady, ol osy jyldyń 20 jeltoqsanyndaǵy jaǵdaı boıynsha «qarapaıym zattar ekonomıkasy» salalaryn jeńildikpen nesıelendirý baǵdarlamasy aıasynda 206 mlrd teńgege 830 joba maquldanǵanyn málimdedi, onyń ishinde óńdeý ónerkásibi men qyzmet kórsetý salasynda 172 joba, AО́K qaıta óńdeý boıynsha – 79 joba, AО́K-tegi óndiris boıynsha – 579 joba. Onyń ishinde 707 joba keńeıtýge jáne jańǵyrtýǵa, 123 joba jańa kásiporyndarǵa nesıe aldy. Ekinshi deńgeıli bankterde 212 mlrd teńge somasyna jobalar qaralyp jatyr.
Jeńildikpen nesıelendirý baǵdarlamasyn jetildirý maqsatynda Úkimettiń jobalyq keńsesi ınvestısııalyq maqsattarǵa nesıe merzimin 7 jyldan 10 jylǵa deıin uzartýdy usyndy, bul uzaq ótelimdilik merzimi bar iri jobalardy qoldap, olarǵa tabystylyq deńgeıine shyǵýǵa múmkindik beredi.
Sonymen birge, nesıelendirýge arnalǵan taýarlardyń tizimin keńeıtý, nesıeniń maqsatyna baılanysty (jumys ornyn, óndiris kólemin, salyqtyq túsimderdi, kiristerdiń ósýin ulǵaıtý) bızneske yńǵaılaspa mindettemelerdi belgileý, tamaq ónerkásibi salasynda aınalymdaǵy qarajatty 100%-ǵa deıin tolyqtyrýǵa nesıe berý, týrızm salasyndaǵy jobalardy qarjylandyrý úshin QDB baǵdarlamasyna qatysý máseleleri qarastyrylýda.
Jalpy, osy jyldyń 1 shildesinen 1 jeltoqsanyna deıin CT-KZ sertıfıkaty bar jetkizýshilerde óńirlerdiń memlekettik satyp alýlaryndaǵy jergilikti qamtýdyń úlesi 2%-dan 39%-ǵa deıin ósti, onyń ishinde jeńil ónerkásip — 1%-dan 40%-ǵa, jıhaz ónerkásibi — 5%-dan 39%-ǵa deıin, qurylys ındýstrııasy — 1%-dan 36%-ǵa, azyq-túlik ónerkásibi — 1%-dan 41%-ǵa deıin artty.
«Qarapaıym zattar ekonomıkasyn» jeńildikpen nesıelendirý baǵdarlamasy Tuńǵysh Prezıdent – Elbasy Nursultan Ábishuly Nazarbaevtyń bastamasymen qurylǵan jáne Memleket basshysy Qasym-Jomart Kemeluly Toqaevtyń erekshe baqylaýyna alynǵan. Ishki naryqty otandyq taýarlarmen barynsha molyqtyrý úshin jergilikti óndirýshilerdiń turaqty damýyn qamtamasyz etip, jumysty ári qaraı jalǵastyrý qajet», — dedi A. Mamın.
Premer-Mınıstr «qarapaıym zattar ekonomıkasyn» jeńildikpen nesıelendirý baǵdarlamasy aıasynda áleýetti kásipkerlerdi izdestirý jáne olardyń jobalary tolyq iske asyrylǵansha olardy súıemeldeý boıynsha óńirlerdiń belsendi jumysynyń qajettiligin atap ótti.
A. Mamın maquldanǵan jobalar boıynsha eń jaqsy kórsetkishterge ıe óńirlerdi atap ótti, olar — Batys Qazaqstan, Túrkistan jáne Shyǵys Qazaqstan oblystary. Nur-Sultan jáne Almaty qalalary, Atyraý jáne Qostanaı oblystary artta qalýshy óńirler retinde ataldy.
Úkimet basshysy ásirese retteletin satyp alýlarda jergilikti qamtý úlesin damytý boıynsha jumysty jalǵastyrý qajet ekenin atap ótti.
«Ortalyq jáne jergilikti atqarýshy organdar áreket etip turǵan zańnamany qatań saqtaýy tıis jáne otandyq óndirýshilerdi qoldaýdyń qolda bar quraldaryn belsendi paıdalanýy qajet. Bul bizdiń barlyq kvazımemlekettik sektorymyzǵa jáne, eń aldymen, satyp alý úlesi edáýir "Samuryq-Qazyna" holdıngine qatysty», — dedi A. Mamın.
Premer-Mınıstr memlekettik satyp alý boıynsha DSU kelisimine kirý prosesine jaýapkershilikpen qaraýdy, satyp alýlarǵa taldaý júrgizýdi jáne otandyq taýar óndirýshilerdiń múddelerin eskere otyryp, usynystar ázirleýdi tapsyrdy.
«Biz taıaý keleshekte kórsetkishterdiń eleýli ósýin jáne Baǵdarlamany iske asyrýdyń naqty nátıjesin kórýge tıispiz», — dep A. Mamın, Jobalyq keńse aıasyndaǵy jumysty jalǵastyrýdy tapsyrdy.
