Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnar Ábenova óńirdegi áleýmettik kómektiń berilýi jaǵdaıyn baıandady.
«Bıyl oblysta 11 myń otbasy adrestik áleýmettik kómek alyp otyr. Oǵan 5 mıllıard teńge bólingen bolatyn. Qarasha aıynyń kómegi otbasylarǵa jetti, endi jeltoqsan aıyna tólem júrip jatyr. Keler jyldan bastap áleýmettik bul kómek jańa nusqa boıynsha tólenedi» dedi Gúlnar Ábenova.
Adrestik áleýmettik kómektiń jańa nusqasyndaǵy jańalyqtar jurtshylyqqa tanystyrylyp jatyr. Sonyń ishinde áleýmettik az qorǵalǵan otbasynyń eńbekke jaramdy múshesi usynǵan jumystan bas tartsa, onda tutas otbasyna adrestik áleýmettik kómek berilmeıdi.
«Mundaı otbasylardyń sany óńirde ázirge 361 bolyp tur, olardyń kópshiligi Rýdnyı, Qostanaı qalalarynda turady. Olar týraly óńirler basshylary bilýi tıis. Qazirden olardyń qandaı mamandyqtary bar ekenin anyqtaý kerek. Eger olardyń mamandyqtaryna suranys bolmasa, onda olardy Bastaý Bıznes baǵdarlamasy boıynsha suranysqa ıe mamandyqtarǵa qaıta daıarlaý qajet» dedi oblys ákimi Arhımed Muhambetov.
Adrestik áleýmettik kómek alatyn turǵyndar arasynan eńbekke jaramdy adamdardyń sany 4 myńǵa kóbeıetin túri bar.
