Ulttyq shuǵyl medısınany úılestirý ortalyǵynyń derekteri boıynsha Qazaqstanda 2019 jyldyń 11 aıynda ushyp shyǵýdyń edáýir kóp úlesi qan aınalym júıesiniń aýrýlary bar pasıentterge medısınalyq kómek kórsetý úshin oryndaldy jáne sanavıasııanyń barlyq ushyp shyǵýynyń 18,6 %-yn (500-den astam pasıent) qurady.
Jaqynda UShMÚO kúshimen júrektiń ıshemııalyq aýrýymen 1954 jyly týǵan Atyraý oblysynyń turǵyny tasymaldandy. 2019 jylǵy 14 jeltoqsanda keshke densaýlyq jaǵdaıynyń nasharlaýyna shaǵymdanǵan er adam turǵylyqty jeri boıynsha jedel medısınalyq kómek qyzmetine júgindi jáne oǵan dereý medısınalyq kómek kórsetilgen ortalyq aýdandyq aýrýhanaǵa emdeýge jatqyzyldy.Sanıtarııalyq avıasııach jelisi boıynsha trombolıtıkalyq terapııa júrgizilgennen keıin pasıent qajetti emdeý alǵan Atyraý oblystyq kardıologııalyq ortalyǵyna jetkizildi. Alaıda, jaı-kúıiniń nasharlaýy saldarynan Nur-Sultan qalasyndaǵy Ulttyq ǵylymı medısınalyq ortalyǵyna shuǵyl aýystyrý qajet boldy. Osylaısha, 21 jeltoqsan saǵat 23:58-de sanıtarııalyq avıasııanyń áýe kemesiniń bortynda dárigerler men feldsherdiń baqylaýymen pasıent Nur-Sultan qalasyna sátti tasymaldanyp, jedel em júrgizý úshin medısınalyq mekemege jetkizildi.
Shuǵyl medısınalyq kómek kórsetý qurylymynda Qazaqstan Respýblıkasynyń Ulttyq úılestirý ortalyǵyna erekshe mindet bólingen. Shuǵyl jaǵdaılar týyndaǵan kezde sanıtarııalyq avıasııa qyzmeti pasıentti basqa kólikke qaraǵanda shalǵaı nemese jetýi qıyn jerlerden klınıkaǵa áldeqaıda jyldam jáne qaýipsiz jetkizedi, bul bizdiń elde bilikti medısınalyq kómek kórsetýdiń qoljetimdiligi men sapasyn sózsiz arttyrady.
