«Mańǵystaý – adaldyq alańy» jobalyq keńsesiniń jetekshisi Daırabaı Úsipbaevtyń aıtýynsha, atalmysh shara azamattardyń memlekettik bılik ınstıtýttaryna senimin arttyrý, turmystyq jemqorlyqty joıý jáne sybaılas jemqorlyqty qabyldamaýdyń qoǵamdyq ahýalyn qalyptastyrý baǵytynda uıymdastyryldy.
Iаǵnı, osyndaı bastamalar arqyly jergilikti atqarýshy organdar men turǵyndar arasyndaǵy baılanysty jandandyrý, túrli salalardaǵy túıtkildi máselelerdi talqyǵa salý arqyly sheshý jáne memlekettik mekemelerdiń ashyqtyǵyn qamtamasyz etý, memlekettik kórsetiletin qyzmetterdi ońtaılandyrý arqyly sybaılas jemqorlyq táýekelderin boldyrmaý jáne aldyn alýǵa baǵyttalyp otyr.
Shara barysynda turǵyndar ózekti máseleler boıynsha tıisti mamandardan tushymdy jaýaptar aldy. Qoǵamdyq qabyldaýdan soń qorytyndy jınalys ótkizilip, túsken usynys-pikirler boıynsha tıisti mekeme basshylaryna hattar joldananatyn bolady.
-Bizdiń mıssııa sybaılas jemqorlyqty jalpyǵa birdeı tózbeýshilikti qalyptastyrý jáne azamattardyń memlekettik bılik ınstıtýttaryna senimin arttyrý bolyp tabylady. Bul rette turmystyq sybaılas jemqorlyqty joıý, azamattar úshin jaıly jaǵdaı jasaý jáne jalpy baqylaýdy qamtamasyz etý jolymen kózdegen maqsatymyzǵa qol jetkizýge bolady. Jobalyq keńse sybaılas jemqorlyqen kúres maqsatynda qurylǵanyn eskeretin bolsaq, aldaǵy ýaqytta osyndaı qoǵamdyq qabyldaýlar turaqty túrde ótkiziletin bolady jáne turǵyndardyń ózderin mazalaǵan suraqtarǵa jaýap alýyna esh kedergi bolmaıdy, deıdi Daırabaı Úsipbaev.
О́z kezeginde Mańǵystaý oblystyq ekologııa departamentiniń basshysy Rýslan Tókenov, ózi jetekshilik etetin vedomstvada sybaılas jemqorlyqqa qarsy qurylǵan «Adaldyq alańy» jobalyq keńsesiniń óz jumysyn bastap ketkendigin tilge tıek etkizdi.
«Jalpy sybaılas jemqorlyqty aldyn-alý baǵytynda birqatar jumystar júrgizilýde. «Adaldyq alańy» jobalyq keńsesiniń jumysyn jandandyryp, memlekettik organdardyń ashyqtyǵy men qol jetimdiligine kóbirek kóńil bólýdi kózdeımiz. Bul rette Open space formatynda jumys istegen durys dep sanaımyz. Sonymen qatar, parasattylyq qaǵıdattaryn qalyptastyrý mańyzdy bolyp qala bermek jáne osy baǵytta jumys josparyn quryp, barlyq múddeli taraptarmen qoıan-qoltyq jumys jasaýǵa daıyn ekendigimizdi rastaımyz» dedi ol.
Memlekettik organdardyń basshylary óz qyzmeti týraly ýaqytyly aqparat berý úshin, halyqpen kommýnıkasııanyń qazirgi zamanǵy arnalaryn, ásirese halyq arasynda eń áleýmettik jelilerdi barynsha paıdalana otyryp, azamattardyń senimin arttyrý kóńil aýdarýy qajet ekendigi sóz boldy. Osylaısha jobalyq keńsege kelip túsetin usynystar men usynymdar muqııat zerdelenip, turǵyndar aqparattandyrylmaq.
Sonymen qatar aldaǵy ýaqytta ekologııa departamentiniń janynan Sarapshylyq keńes qurý josparda bar. Onyń quramyna úkimettik emes uıymdar jáne bıznes-qaýymdastyq ókilderi kiredi dep kútilýde.
Mamandar negizinen úsh baǵytta jumystardy kúsheıtpek. Birinshiden, ashyqtyq, tutastyq jáne daıyndyq qaǵıdattaryn iske asyrý arqyly sybaılas jemqorlyqtyń aldyn alý jáne oǵan qarsy turý. Ekinshiden, adamdardyń ómir súrýine súrýine qolaıly jaǵdaı jasaý úshin qoǵamdyq baqylaýdy júzege asyrý. Al úshinshiden, qoǵamnyń taldaýy men monıtorınginiń negizinde sybaılas jemqorlyqqa qarsy saıasatty júzege asyrý bolmaq.
