Qaıyrymdylyq shyrsha jyl saıyn túrli qaıyrymdylyq is-sharalardy uıymdastyrýshy, 2017 jyly oblystyq jáne respýblıkalyq deńgeıde uıymdastyrylatyn «Jomart júrek» syılyǵyn saltanatty tabystaý rásiminde qaıyrymdylyq is-sharalar qorytyndysy boıynsha «Jyl tulǵasy» nomınasııasynyń ıegeri atanǵan, «Ana men bala» qoǵamdyq birlestiginiń jetekshisi D.Shakenovanyń demeýshiligimen uıymdastyrylǵan.
Balalar Aıaz ata men Aqshaqar jáne taǵy da basqa ertegi keıipkerlerin ata-analarymen, muǵalimderimen kelip tamashalady. Oblys ákiminiń orynbasary Q.Jumashev shyrshaǵa qatysýshy balalardy Jańa jyl merekesimen quttyqtap, búldirshinderge ádemi kesh, kóterińki kóńil-kúı syılaǵany úshin jeke kásipker Shakenova Dámetkenge alǵysyn bildirdi.
Merekelik keshke ártúrli keıipkerlerdiń kıimderin kıip kelgen balalar ortaǵa shyǵyp óz ónerlerin kórsetip, shyrshany aınala án aıtyp, bı bıledi. Balalar úshin túrli oıyndar uıymdastyryldy.
Mereke sońynda ár balaǵa Jańa jyldyq syılyqtar tabystaldy.
О́ńirlik etnomádenı birlestik ókilderi de balalardy Jańa jyl merekesmen quttyqtap, ıgi lebizderin bildirdi. Ata–analar da uıymdastyrýshylarǵa alǵystaryn bildirip, ustazdar Shakenova Dámetken hanymǵa mektep basshysynyń atynan arnaıy Alǵys hattaryn tabystady.
-Búgin men úshin - erekshe kún. Balalardyń kúlkisi – álemniń sáni. Barlyq ata-analarǵa, ustazdarǵa ýaqyttaryn bólip kelgenderi úshin shyn júrekten alǵysymdy bildiremin. Jáne de osyndaı sharany ótkizýge qoldaý kórsetkeni úshin oblystyq Qazaqstan halqy Assambleıasyna, «Qoǵamdyq kelisim» KMM» ujymyna rahmetimdi aıtamyn, dedi «Ana men bala» qoǵamdyq birlestiginiń jetekshisi D. Shakenova.
