Onyń eńbekterin zertteı otyryp, óz qııalynan keıipkerler kostıýmin dúnıege ákelgen tanymal dızaıner Tárbııa Aıdymbaevanyń sán-kórsetilimi Serikboldyń esimi berilgen murajaıda keń aýqymda atalyp ótti. Ol mıftik keıipkerler kostıýmderiniń jaǵymdy jáne jaǵymsyz obrazyn bir jarym jylda daıyndap shyǵarǵan. Jıynǵa elimizge tanymal tulǵalar, oblystyq basqarma basshylary, aýdan ákimderi men aýyl turǵyndary qatysty.
Sharada sóz alǵan el aǵalary, ǵalymnyń jazǵan tylsymǵa toly eńbekterin, az ǵana ǵumyrynda qazaqqa jeterlikteı dúnıe qaldyrǵan tarıhshy-etnograf ekenin aıtyp ótti. Mýzeı mamandary ólketanýshy Serikboldyń shyǵarmalaryndaǵy tómen, orta jáne joǵary dúnıe dep úsh kezeńge bólgen tańǵajaıyp eńbekterniń eksponattaryn arnaıy murajaı ishine jasaqtaǵan. Zańǵar jazýshy Ábish Kekilbaıuly «Bul sańlaq talanttyń saıaq zertteýshilik izdenisterine, erek eljandylyǵy men eńbeksúıgishtigine tańǵalmasqa shara joq. Armanda ketken azamattyń jer betindegi izi sýymaı jatyp, ol qaldyrǵan eńbekterdiń sııasy keppeı turyp ǵylymı sarapqa túsýi – asa súıinishti jaǵdaı» degen bolatyn. Rasynda, kókireginde kóne kúnniń kúmbiri kúbirlep, eskiden syr ańdyp, búgingi tirligimizdiń túp bastaý, negiz tiregin izdegen Serikbol eń-begi – sheksiz, shetsiz álem.
Sán-kórsetilimin kórermender joǵary baǵalap, Serikbol shyǵarmalaryn nasıhattaýǵa ózindik talanty turǵysynan kelgen dızaınerge alǵys aıtty.
