«Qazaqstan Respýblıkasynyń keıbir zańnamalyq aktilerine jer qoınaýyn paıdalaný, gaz jáne gazben jabdyqtaý máseleleri boıynsha ózgerister men tolyqtyrýlar engizý týraly» zań jobasy gaz jáne gazben jabdyqtaý salasyndaǵy zańnamany odan ári jetildirý, Qazaqstan Respýblıkasynyń gazǵa degen ishki qajettilikterin turaqty qamtamasyz etý úshin jaǵdaıdy yntalandyrý, gazdy otyn retinde qoldanatyn jańa ınvestısııalyq jobalardy tartý jáne iske asyrý maqsatynda ázirlengen bolatyn.
Zań jobasymen birqatar zańnamalyq aktilerge ózgerister men tolyqtyrýlar engiziledi.
Zań jobasy el ekonomıkasyna ınvestısııalar tartýǵa jáne qosylǵan quny joǵary ári eleýli mýltıplıkatıvtik áseri bar munaı-hımııa óndirisin damytýǵa baǵyttalǵan. Bul rette, ishki naryqty gazben úzdiksiz jabdyqtaý, sondaı-aq gaz baǵasynyń turaqty deńgeıin qamtamasyz etý úshin zań jobasy aıasynda jańa strategııalyq mańyzdy ınvestısııalyq jobalar úshin taýarlyq gazdyń shekti baǵasy gaz jetkizýdiń ózindik quny men gaz jáne gazben jabdyqtaý salasyndaǵy ulttyq operatordyń eń tómengi tıimdilik normasynan qalyptasatyn bolady.
Senator Manap Kýbenovtyń aıtýynsha, elektr energııasyn óndirý úshin taýarlyq gazdy otyn retinde paıdalanatyn elektr stansııalarynyń qurylysyna ınvestısııa tartý maqsatynda gazǵa uzaq merzimdi kezeńge qolaıly baǵa belgileý usynylady.
«Qazaqstan Respýblıkasynyń keıbir zańnamalyq aktilerine temirjol kóligi máseleleri boıynsha ózgerister men tolyqtyrýlar engizý týraly» zań jobasy Memleket basshysy Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn iske asyrý jónindegi Jalpyulttyq sharalar josparynyń 30-tarmaǵyn iske asyrý maqsatynda ázirlengen bolatyn.
Bul zań jobasymen 7 zańnamalyq aktige ózgerister men tolyqtyrýlar engiziletin boldy.
Senator Erik Sultanov zań jobasymen memlekettik organdardyń normatıvtik quqyqtyq aktilerdi ázirleý jáne bekitýdegi tarıf belgileýdiń ashyqtyǵyn jetildirý men arttyrý, kirme joldar qyzmetterin paıdalanýshylardy sýbsıdııalaý jáne quqyqtaryn qorǵaý jónindegi ókilettikteri tolyqtyrylatynyn atap ótti.
Qujatta jol júrý qujattaryn qaıta satý jáne temirjol kóligindegi qozǵalys qaýipsizdigin qamtamasyz etilmegeni úshin ákimshilik jaýapkershilikti kúsheıtý kózdelgen.
