«Sheksiz jumys» áleýmettik jobasy aıasynda múmkindigi shekteýli azamattarǵa búgingi tańda suranysqa ıe smm-marketolog, grafıkalyq dızaıner, kopıraıtıng jáne web-dızaıner sııaqty mamandyqtardy tegin meńgerýdi usynyp otyr. Áleýmettik joba avtorlary «IndiGo» oqytý ortalyǵynyń negizin qalaýshylar Abylaı Isın men Shyńǵys Júsipov. Belsendi jastar búginde qalanyń birqatar kásiporyn basshylarymen kelissózder júrgizip te úlgergen.
– Oqytý jańa jyldyń qańtarynan bastaý alady dep otyrmyz. Birneshe adam semınarǵa jazylyp ta qoıdy. Kýrstan ótýshiler úshin oqytý tegin júrgiziledi. Iаǵnı, kásiporyndar qyzyǵýshylyq tanytyp otyrǵandyqtan, mamandar úshin oqý aqysyn ózderi tóleıdi. О́ıtkeni, búgingi tańda Kókshetaýda smm-marketologtar, veb-dızaınerler qajet kásiporyndar barshylyq. Sondyqtan bilim alam deýshiler bolsa, esigimiz ashyq. Keıin olar sol kásiporynǵa jumysqa tura alady nemese osy baǵytta jeke dara eńbektenýine de bolady, – deıdi «Indıgo» oqytý ortalyǵynyń menedjeri Shyńǵys Júsipov.
Iаǵnı, arnaıy oqýdan ótken azamattar jumyspen de qamtylady. Jańa mamandyq ıeleriniń jumystan bas tartýlaryna da bolady. Sebebi, «IndiGo» oqytý ortalyǵy ol úshin óz qyzmetterin kepildikke qoıǵan. Aıta keteıik, búginde ortalyq UBT-ǵa daıyndyq, shet tilderin úıretýmen qatar smm-marketıng, grafıkalyq dızaın, kopıraıtıng jáne web-dızaın baǵytynda qyzmetter kórsetýmen aınalysady. Áleýmettik jobanyń tanystyrylymyna qatysýshylardyń oqýǵa degen qyzyǵýshylyqtary joq emes. Sebebi, búginde múmkindigi shekteýli azamattarǵa ózderine yńǵaıly, ári jandaryna jaqyn keletin jumys tabý qıyn.
– Joba maǵan qatty unap otyr. Bul ásirese, jastar úshin óte qajet dep oılaımyn. О́ıtkeni, jańa baǵytta ózderin damyta alady. Múmkin keıbireýleri ishteı bul mamandyqtardy ıgerýdi armandap ta júrgen bolar. Endi mine, osyndaı múmkindik berilip otyr. Tegin oqytylady. Bizdiń elimizde,, qalamyzda múmkindigi shekteýli jandar úshin osyndaı jobalardyń júzege asyrylyp jatqany qandaı tamasha,–deıdi qala turǵyny Bıjamal Bekmuratova.
«IndiGo» oqytý ortalyǵy «Sheksiz jumys» jobasy aıasynda naýryz aıyna deıin 50 adamdy, al jyl sońyna deıin 200 adamdy oqytýdy josparlap otyr.
