Ulttyq keńestiń nátıjeli jáne tıimdi jumys isteýine Keńes jumysyna Memleket basshysynyń ózi tikeleı basshylyq jasap, barynsha qoldaý kórsetip otyrýy, bul jumysqa Prezıdent Ákimshiliginiń de tikeleı atsalysýy úlken áser etti.
Osy qysqa merzimde Q.Toqaev Keńes múshelerimen kezdesip, olardyń usynys-pikirlerin asyqpaı, zer salyp tyńdap, pikirlesti. Ulttyq keńeste aıtylǵan Keńes músheleriniń usynystary Keńes músheleri men basqa da múddeli memlekettik organdar basshylarynyń qatysýymen Prezıdent Ákimshiligindegi, Úkimettegi basqosýlarda tereń zerdelenip, júıelenip, aldy iske asyryla bastady. Atap aıtsaq, 2020 jyldyń 1 qańtarynan bastap, mıkro jáne shaǵyn bıznesti tabys salyǵynan 3 jylǵa deıin bosatý jáne olardy tekserýdi 3 jylǵa deıin toqtatý, kóp balaly otbasylardyń balalaryna bala sanyna qaraı qómek berý, turmysy tómen otbasylardyń balalaryna kepildendirilgen áleýmettik kómek kórsetý, turǵyndardy, ásirese jastardy baspanamen qamtamasyz etýdegi jeńildikter, t.b. kóptegen áleýmettik qyzmet iske asyrylýda. Osynyń bárin Memleket basshysy kúndelikti jumysynda júıeli qadam jasaıtynyn, óz oılaryn, usynystaryn aldymen jan-jaqty taldap, zerdelep, aqyldasyp, baryp aıtatynyn, aıtqan usynys-pikirlerin tabandylyqpen, tııanaqty, sózbuıdaǵa salmaı sońyna jetkizip oryndaıtynyn kórsetýde.
Respýblıka Prezıdenti Q.Toqaevtyń saılaýaldy baǵdarlamasyndaǵy, ulyqtaý rásimindegi, Qazaqstan halqyna Joldaýyndaǵy aıtqan sózderindegi negizgi baǵyttar bir-birimen ushtasyp, kezek kúttirmeıtin, zárý máseleler týraly shuǵyl sheshim qabyldanyp, ol qarjymen tolyqtaı qamtamasyz etilýde. Kóptegen baǵyttarǵa aldaǵy jylǵy bıýdjetterde qarjy qarastyryldy. Bul halqymyzdyń ál-aýqatyn kóterý úshin qabyldanǵan sheshimder sózsiz oryndalady degen sóz. Árıne qoǵamda qordalanyp qalǵan túıtkildi máselelerdi birneshe aıda sheship tastaý múmkin emes. Degenmen, Prezıdenttiń Ulttyq qoǵamdyq senim keńesiniń 2-shi otyrysynda aıtqan jer jáne ony tıimdi paıdalaný; bıýdjet qarajatyn ashyq baqylaý; kvazımemlekettik sektordyń basshylyǵyna azamattyq qoǵam ókilderin engizý; el ekonomıkasynda memlekettik kásiporyndardyń úlesin qysqartý; sheteldik jumys berýshiler tarapynan bizdiń azamattardy kemsitýge jol bermeý; sheteldik jumys kúshin qysqartý; bıýdjet qarjysynyń, syrtqy qaryzdardyń, ulttyq bank baǵam saıasatynyń ashyqtyǵyn qamtamasyz etý; iri tranzaksııalar barysynda tólemdi qolma-qol aqshasyz formatqa kóshirý týraly jáne taǵy basqa máseleleri de jan-jaqty pysyqtalyp, 2020 jyly iske asyrý úshin oryndaý merzimderi naqtylanyp, Úkimetke tapsyryldy.
Ulttyq qoǵamdyq senim keńesiniń osy otyrysynda Memleket basshysy Q.Toqaev qoǵamdy demokratııalandyrýǵa erekshe nazar aýdardy. Prezıdenttiń pikirinshe, mıtıng ótkizý mədenıetin qoǵamdyq sanaǵa sińiretin ýaqyt keldi. Qoǵamǵa da, memleketke de óz ustanymdaryn ashyq aıtýǵa beıimdeletin kez jetti. Sondyqtan da eger olar zań aıasynan shyqpaıtyn jəne azamattarymyzdyń tynyshtyǵyn buzbaıtyn bolsa, ruqsat etiletin mıtıngilerdi uıymdastyrýda eskertý qaǵıdatyn engizýdi qolǵa alý kerek. Biraq elimizdiń árbir azamaty mıtıngi ótkizý tek óz quqy emes, úlken jaýapkershilik ekenin de túsingeni jón. Sondyqtan zańsyz əreketterge tyıym salynatyn bolady.
Keńeste partııalarǵa qatysty zańǵa ózgeris engizý týraly aıtyldy. Partııa qurý úshin tirkeý shegi burynǵydaı 40 myń emes, 20 myń adam bolsa jetkilikti. Partııa qatarynan saılanatyn azamattar tiziminde əıelder men jastar sanyn 30 paıyzǵa jetkizý kózdelýde. Elimizde alǵash ret Memleket basshysynyń ózi parlamenttik oppozısııa bolýy kerek ekeni týraly aıtty.
Ulttyq qoǵamdyq senim keńesinde mundaı naqty usynystar men sheshimderdiń qabyldanýy – qoǵamymyzdyń alǵa basýynyń aıǵaǵy jáne bılikke degen qoǵam seniminiń artýy. Muny qysqa merzim ishindegi bılik pen qoǵam arasyndaǵy úlken jetistik dep aıtýǵa tolyq bolady.
Qýanysh AITAHANOV,
qoǵam qaıratkeri
