2018 jyly «Pestısıdy» JShS-i Qazaqstan aýmaǵyna úlken kólemde «Imperator 20% v.k.» (ımıdakloprıd, 200 g/l) pestısıdin kirgizgen. Shegirtkege qarsy kúresý úshin paıdalanylatyn preparattyń tirkeýshisi (ıesi) «Shanhaı MIO Kemıkal Ko., Ltd.», QHR bolyp tabylady.
Respýblıkanyń ońtústik aımaqtarynda «marokko» shegirtkesine qarsy hımııalyq kúres júrgizý kezinde «Imperator, 20% v.k.» pestısıdi fıtosanıtarııalyq qaýipsizdikti qamtamasyz etýge qoıylatyn talaptarǵa sáıkes kelmeıtini, onyń bıologııalyq tıimdiligi tómen (30% - dan kem) ekenin kórsetti.
Atalmysh hımııalyq ónimdi aldaǵy ýaqytta paıdalaný 1,054 mln. ga jerde shegirtkege qarsy kúres sharalarynyń tıimsiz bolýyna alyp kelýi múmkin. Mundaı jaǵdaılarda «О́simdikterdi qorǵaý týraly» zańda «pestısıdti» memlekettik tirkeý kýáliginen aıyrý (qaıtaryp alý) qarastyrylǵan.
Osyǵan baılanysty, AShM Agroónerkásiptik keshendegi memlekettik ınspeksııa komıtetiniń № 333-N buıryǵymen 2019 jyldyń 12 jeltoqsanynan bastap «Imperator, 20% v.k.» pestısıdin merziminen buryn tirkeý kýáligin keri qaıtaryp alyp, atalmysh hımııalyq preparatty memlekettik tirkeýden ótkizýge tıym saldy.
