«Qymbatty dostar, áriptester! Qazaqstan medısınasy aýyr qaıǵyny basynan ótkerýde. Áriptesimiz, akýsher-gınekolog Arman Isına qaza tapty.
Ol Qazaqstandaǵy aýrýlardy basqarý baǵdarlamasyn engizý boıynsha ulttyq jattyqtyrýshy bolatyn. Medısınalyq-sanıtarııalyq alǵashqy kómek mamandaryna sozylmaly ınfeksııalyq emes aýrýǵa shaldyqqan pasıentterdi halyqaralyq talaptarǵa sáıkes emdeý tásilderin úıretip júrgen edi.
Arman Isına Qaraǵandy memlekettik medısına ınstıtýtyn bitirgen. Elimizdegi ártúrli densaýlyq saqtaý uıymdarynda, atap aıtqanda, Densaýlyq saqtaý mınıstrliginde jáne halyqaralyq densaýlyq saqtaý uıymdarynda jumys istedi.
Bul barlyǵymyz úshin, ásirese, áriptesimizdiń otbasy úshin óte aýyr jáne orny tolmas qaıǵy. Elimizdegi búkil dárigerdiń atynan Arman Isınanyń týǵan-týystary men jaqyndaryna qaıǵyryp kóńil aıtamyn» dep jazdy ol facebook-tegi paraqshasynda.
