Jedelsatyly lıftiler kondomınıýmnyń ıeliginde bolǵandyqtan, olardy jańartý boıynsha sheshimdi turǵyndardyń ózderi qabyldaıdy.
Al, «О́ńirlerdi damytý-2020» baǵdarlamasy aıasynda 50 mıllıon teńge bólinbek.
Bul qarajatqa kelesi jyly 1 Maı kóshesi, 284-inshi úıde úsh lıftini aýystyrýǵa 29 mıllıon teńge, Shókın, 31 kóshesindegi bir lıftige 9,1 mıllıon teńge, Nazarbaev dańǵyly, 81, 89-da 7 jedelsatyny jańartýǵa 60,4 mıllıon teńge teńge qarastyrylýda.
Al, páter ıeleri memlekettik baǵdarlama aıasynda jedelsatyny jańartýǵa qarastyrylǵan qarjyny qaıtarýǵa mindetti.
Iаǵnı, jergilikti ákimdik turǵyndarǵa paıyzsyz qarjy beredi. Eshqandaı ústemeaqy qosylmaıdy. Tek páter ıeleri belgilengen aqshany ýaqytyly tólep, qaıtarý qajet.
Tólem kólemi lıfti ornatý isine jaýapty «Gorkomhoz Modernızasııa jılıa» JShS men páter ıeleri arasyndaǵy kelisimshartqa baılanysty belgilenedi.
Bul kelisimshart 25 jylǵa deıingi merzimge jasalýy múmkin. Sonymen qatar páterdiń aýmaǵy eskeriledi.
Bir jedelsatyny ornatý úshin shamamen 9 mıllıon teńge kerek. Aı saıynǵy tólem 1800-2500 teńgeni quraıdy. Bul soma kommýnaldyq qyzmetter túbirteginde kórsetiledi. Qaýipsiz ári qolaıly jańa lıftini qoldaný turǵyndar úshin qajet.
