Onyń aıtýynsha «Qarapaıym zattar ekonomıkasyn» damytý jónindegi óńirlik jobalyq keńseniń qaraýynda jalpy somasy 11,2 mlrd.teńgeni quraıtyn 105 joba bar. Onyń ishinde 47 jobany bankter men Agrarlyq nesıe korporasııasy maquldap, júzege asyrylýda. On segiz joba qarjy ınstıtýttarynda qaralyp jatsa, qalǵandaryna qajetti qujattar jınaqtalýda.
Byltyr «Qarapaıym zattar ekonomıkasy» salalaryn damytý sheńberinde basym jobalarǵa jeńildetilgen nesıe berýdiń baǵdarlamasy iske qosyldy. Baǵdarlamany iske asyrý barysynda shuǵyl túrde kedergilerdi anyqtap, joıý maqsatynda Úkimet basshysynyń tapsyrmasymen «Atameken» Ulttyq kásipkerler palatasy alańynda jobalyq keńseler quryldy. Qyzylordada óńirlik jobalyq keńseniń teń tóraǵalary – oblys ákiminiń orynbasary Murat Imandosov pen Kásipkerler palatasynyń dırektory Ǵalymbek Jaqsylyqov.
Jyl boıy jobalyq keńse músheleri kásipkerlermen kezdesip, olardyń usynystary men problemalaryn júıelep, ortalyqqa usynyp otyrdy. Osynyń nátıjesinde qysqa merzimde Úkimet qaýlysyna 3 ret tolyqtyrý engizilip, nesıelendirý sharttary túbegeıli qaıta qaraldy.
Bizdiń oblysymyz boıynsha О́ńirlik jobalyq keńseniń usynysymen jylqy, túıe, qoı, eshki, qus, taýyq, qaz, balyq ósirý, tuzdy qaıta óndeý, betonnan materıaldar, sılıkat kirpishin shyǵarý, medısınalyq mekeme salý, jóndeý jáne olardy medısınalyq jabdyqtarmen jabdyqtaý sııaqty aımaq úshin ózekti qyzmet túrleri engizildi, deıdi Palata dırektorynyń orynbasary.
