Úshinshi ret jalaýyn kótergen festıvalge respýblıka boıynsha Nazarbaev Zııatkerlik mektepterinen 100-ge jýyq pedagog qatysqan. Úsh kúnge sozylǵan sharada qatysýshylar pándi oqytýdaǵy ózekti máselelerge arnalǵan taqyryptyq semınarda tájirıbe almasyp, oqýshylardyń bilim deńgeıin arttyrýǵa baǵyttalǵan tyń ıdeıalarymen bólisti.
Festıval barysynda qatysýshylar arnaıy ótkizilgen olımpıadada kúrdeli esepterdi shyǵarý arqyly logıkalyq qabiletterimen synǵa tústi. Nátıjesinde qyzylordalyq Báımen Sábıt joǵary upaı jınap, úzdik úshtiktiń qatarynan kórine bildi. Olımpıadanyń úshinshi oryn ıegeri atanǵan jas matematık bul festıval barlyq pedagogter úshin ozyq tájirıbe almasý alańy bolǵanyn aıtady.
О́zge Zııatkerlik mektep muǵalimderiniń atqaryp jatqan jumystaryn kórip, ózimizdiń tájirıbemizben de bólisý múmkindigin aldyq. Zamanaýı bilim berýde qajetti oqytý ádistemeleri men matematıka pánine degen qyzyǵýshylyqty arttyratyn tásilder qarastyrylǵan semınarlarda barlyq qatysqan ustazdar jańa ıdeıalar men motıvasııalar aldy dep oılaımyn, – dedi Báımen Sábıt.
