Oblystyq pán olımpıadasyna Pavlodar, Ekibastuz, Aqsý qalalary, 10 aýdannan jáne 13 oblystyq mamandandyrylǵan bilim berý mektebinen kelgen 26 komandanyń 720 oqýshysy qatysty.
Oblys ortalyǵyndaǵy №8 mektep-lıseıinen 57 oqýshy, Pavlodar aýdanynan 22, Baıanaýyl aýdanynan 17 oqýshy keldi.
Aǵylshyn tili páninen 74 oqýshy, Qazaqstan tarıhy jáne geografııa páninen 65 oqýshy qatysty.
Olımpıada qorytyndysy boıynsha sapasy jaǵynan joǵary kórsetkishke ıe bolǵan komandalar jaratylystaný-matematıkalyq jáne gýmanıtarlyq baǵyt boıynsha «Eń úzdik olımpıadalyq komanda - 2020» nomınasııasy boıynsha sertıfıkattarǵa ıe boldy
Sonymen, Jaratylystaný-matematıkalyq baǵyty boıynsha I oryndy -№8 lıseı-mektebi, II oryndy - «Jas daryn» mamandandyrylǵan mektebi, III oryndy - er balalarǵa arnalǵan «Bilim-Innovasııa» lıseıi ıelendi.
Al Gýmanıtarlyq baǵyt: I oryn - «Jas daryn» mamandandyrylǵan mektebi; II oryn – Y.Altynsarın atyndaǵy oblystyq gımnazııa-ınternaty men №3 gımnazııa, III oryn – № 8 lıseı-mektebine berildi.
Kelesi -«Eń úzdik qalalyq komanda - 2020» nomınasııasymen Pavlodar qalasynyń qurama komandasy marapattaldy.
Oqýshylardyń jalpy bilim beretin pánder boıynsha oblystyq olımpıadasynda 315 oqýshy I, II jáne III dárejeli dıplomdarmen marapattaldy, onyń ishinde I oryn - 66, II oryn - 91, III oryn – 158.
Al 16 oqýshy 4 joǵary oqý ornynyń bilim grantyna ıe boldy.
Pavlodar
Sýretterdi túsirgen Aıqyn Oljabaı
