HIH ǵasyrda ómir súrgen dananyń sol dáýirdegi qundy oılary búgin de ózektiligin joǵaltpaıdy. Bul oı-tujyrymdar barshamyzǵa qashan da rýhanı azyq bolyp qalatyny aıqyn. Aqyn murasynyń qaı ónegeli sózi de máńgilik ósıet retinde baǵalanatyny basa aıtylady bul maqalada.
Abaı sol zamanda-aq bilim men ǵylym ilgerilemeı, eldiń damýyn elestetý múmkin emestigin aıtqan bolatyn. Búgingi ustanym da – osy. Bilim men ǵylymdy damytý arqyly ǵana órkenıetti damyǵan elderdiń kóshine ilesetinimiz anyq. Sol jolda jumyla eńbek etýimiz qajet. Abaı aıtqan bilim men ǵylymdy ıgermeıinshe, eshqandaı bıik baǵynbaıdy. Qazirgi HHI ǵasyrdaǵy ǵylymnyń maqsaty – bıikke umtylý, alysqa qulash sermeý ekenin Prezıdentimiz basa aıtty. Biz ilgeri kóshke ilesip qana qoımaı, aldyńǵy qatardan oryn alý úshin jumyla eńbek etýimiz qajet. Bul barshamyzdyń ortaq mindetimiz dep esepteımin.
Mahambet О́temisuly atyndaǵy
Batys Qazaqstan memlekettik ýnıversıtetiniń
rektory Nurlan SERǴALIEV
