«Qaıta saılaý ótkizý kúni 2020 jyldyń 22 naýryzyna belgilendi» dedi Ortalyq saılaý komıssııasynyń tóraǵasy Tamaz Gogııa sheshim biraýyzdan derlik qabyldanǵanyn aıta otyryp.
Ol zańdy túrde saılaý qaıta bolatynyn jáne oǵan kez kelgen kandıdat qatysa alatynyn atap ótti.
Eske salsaq, 9 qańtarda narazylyq bildirýshiler Abhazııa basshysynyń ákimshiligine basyp kirip, Prezıdenttiń otstavkaǵa ketýin talap etken bolatyn. Qaýipsizdik keńesiniń shuǵyl otyrysynan keıin Prezıdent Raýl Hadjımba kúsh qurylymdary kúsheıtilgen rejımge aýystyrylǵanyn, al qajet bolǵan jaǵdaıda ol respýblıkada tótenshe jaǵdaıdy jarııalaý jóninde sharalar qoldanatynyn málimdedi.
Keıin Abhazııa Parlamenti Hadjımbaǵa Prezıdent qyzmetinen ketýdi usyndy. Biraq Raýl Hadjımba otstavkaǵa ketpeıtinin málimdedi.
«Jalpyulttyq kelisimge kelip, turaqty jaǵdaıdy saqtap qalý úshin Prezıdent barlyq máseleni kelissózder arqyly sheshýi qajet dep sanaıdy» dedi Prezıdent ákimshiligi basshysynyń orynbasary Dmıtrıı Shamba.
