Keshe aýdandaǵy Qulandy aýyldyq okrýgi, Aqbasty eldi mekeninde jańa balyq saqtaý sehy ashyldy. Jergilikti kásipker Jandos Qulmanovtyń bastamasymen iske qosylǵan balyq saqtaý sehynyń ashylý saltanatyna aýdan ákimi Muhtar Orazbaev qatysyp, «SARATS» jobasynyń sátti júzege asýy nátıjesinde qaıta túlegen balyq sharýashylyǵynyń damýyna keńinen toqtaldy.
Aýylda ashylǵan sehta 100 tonna balyq saqtalady, aldaǵy ýaqytta elý adam jumyspen qamtamasyz etiledi dep kútilýde.
Aýdan basshysy osy aýylda jańadan iske qosylǵan «Kókaral» balyq konservileý sehynyń jumysymen tanysty.
Aýyl azamaty Ernar Quljanov memleketten alǵan qaıtarymsyz qarjy arqyly iske qosqan sehtan kúnine 40 dana konservi shyǵarylmaq. Búginde aýdan boıynsha balyq ónimderiniń 13 túri shyǵarylyp, jyldyq qýaty 20 myń tonnaǵa jýyq 8 balyq óńdeý zaýyty turaqty jumys istep tur.
