«Ultqa qyzmet etý – minezden»

Kásibı memlekettik apparat mem­lekettik qyzmetshiniń joǵary bilik­ti­li­gine negizdelse, halyq únin tyńdaı bilý laýazymdy adamdardyń ózi isine degen úlken jaýapkershilikti sezinýine baılanysty.

Prezıdenttik jastar kadr­lyq rezerv quramymen kezdesken el Prezı­den­ti Q.Toqaev Alash ardaq­­tysy Álıhan Bókeı­hanovtyń «Ultqa qyz­met etý bilimnen emes, mine­z­den» degen mazmuny tereń sózine toq­ta­lyp, bul sózdiń qansha zaman ótse de ózektiligi jo­ıylmaı máni arta túsetinin basa aıtty.

Minez adamnyń ishki áleminiń aı­na­­sy. Júsip Balasaǵun «Kisi­ge eki dúnıe­de paıdaly – izgi is nemese minezi túzý­lik. Ekinshisi – uıat, Úshinshisi – ádil­dik. Bul úsheýi arqyly adam shyn baqyt taba­dy» degen. Bul tusta uıat pen ádildik minezdiń syńary eke­nin oıda ustaý qajet. Bilim izgi­likke jum­salmasa, onyń paı­dasynan zııany artýy ábden múm­kin. Sondyqtan Shyǵys dana­lyǵy adam mineziniń kór­kem­digin aldyńǵy orynǵa shyǵarsa kerek.

Mem­l­ekettik qyzmetshiler – ádil­­­dik, joǵary moraldyq jaýap­ker­shi­lik, kásibı bilim, olardy tájirı­bede qoldana bilý, adaldyq jáne parasattylyq, belsendi ómir­lik usta­nym syndy qasıetterge ıe bolýy basty mindet. Sonymen qatar olardyń negizgi mıssııasy elge qyz­met etý ekenin túsinýi tıis. Mem­leket­tik qyz­met isteri agenttigi mem­le­ket­­tik qyzmetshiler arasynda uıym­das­tyr­ǵan «Elge qyzmet etý – minez­den» respýblıkalyq baıqaýyna qaty­sýshylar dál osy pikirdi ortaǵa sal­ǵan edi.

Úzdik shyǵarmashylyq ju­mys­­­tar­dy anyqtaý úshin ar­naıy irik­teý komıs­sııasy quryldy. Ko­mıssııa qura­­mynda jumys at­qar­ǵan Agent­tik tóra­ǵasynyń oryn­basary Darhan Jazyqbaev, Par­lament Senatynyń depýtaty Nurtóre Júsip, «Egemen Qazaq­stan» Respýblıkalyq ga­zeti» AQ Basqarma tór­aǵa­sy Dar­han Qydyráli, «Mem­le­ket­­tik, bank meke­meleri jáne qo­ǵam­­­dyq qyzmet kór­setý qyz­met­­ker­­­leriniń salalyq ká­sip­oda­ǵy» qoǵam­dyq birlestiginiń tór­a­ǵasy Meıirbolat Ja­qypov jáne L.N.Gý­mılev atyn­daǵy EUÝ ka­fed­­­ra meńgerýshisi Serik­­­­zat Dúı­­sen­ǵazy úzdik dep ta­­byl­ǵan shy­ǵar­mashylyq ju­mysty iriktep aldy.

Baıqaý maqsatyna saı memle­ket­tik qyzmettiń ımıdjin kóterý, mem­leket­tik qyz­met­shiler­diń biliktiligin ǵana emes, olardyń ádepke negizdelgen beınesin qalyptastyrý týrasynda oı qozǵaǵan 200-ge jýyq shyǵar­mashylyq jumys Agenttikke joldandy. Qaty­sý­shylardyń jumystary: úzdik esse (maqala), úzdik beınerolık, úzdik usy­nys nomınasııalary boıynsha baǵalandy.

Baıqaýǵa qatysýshylar óz eńbek­te­rinde uly tulǵalardyń sóz­derin, onyń ishinde álemge áı­gili fılosof Ábý Nasyr ál-Fara­bı, oıshyl hakim Abaıdyń eńbek­terine júgine otyryp, mazmundy shyǵarmalar jazyp shyq­qan.

Abaı Qunanbaıulynyń «Tegin­de adam balasy, adam balasynan aqyl, ǵylym, ar, minez degen nárselermen ozbaq» degen sózin tilge tıek etip, bilim men minezdiń, ardyń adam ómi­rin­degi ornyna erekshe toqtalǵan.

Búgingi memlekettik qyzmet­shiler de halqynyń múddesi úshin qyzmet etý­di ózderiniń basty ómirlik qa­ǵı­da­sy retinde kóre otyryp, aza­mattyq, adam­ger­shilik paryzdaryn sanaly túrde oryndaý arqyly erek­shelenýi kerek.

Atalǵan baıqaýdyń qory­tyn­dy­sy­na sáıkes, kelesi mem­lekettik qyz­met­shiler jeńimpaz atandy.

«Úzdik esse» nomınasııasy boıynsha I oryndy – Atyraý oblysy Qurmanǵazy aýdany Dyń­­ǵyzyl aýyldyq okrýgi ákimi ap­paratynyń bas mamany Ja­ńyl­syn Ýteshova, II oryn­dy – Almaty oblysy Pan­­fılov aýdany Úlkenaǵash aýyl­dyq okrýginiń ákimi Ermek Nurah­metov, III oryndy – Nur-Sul­tan qalasy Saryarqa aýdany ákimi apparatynyń Ishki saıa­sat jáne áleýmettik sala bólimi­niń basshysy Ábdirahman Dáý­len­baev ıelendi. Al «Úzdik beıne­ro­lık» túsirýde I oryndy – Aq­tóbe obly­sy Oıyl aýdan­dyq Bilim, dene shynyq­tyrý jáne sport bóliminiń bas ma­ma­ny Gúlzat Jetkergenqyzy, II oryn­­dy – Atyraý qalasy ákimi appa­­ra­­­ty­nyń baspasóz hatshysy Áli­­bek Naýarov, III oryndy – Túrki­stan obly­sy Qazyǵurt aýda­ny Qyzylqııa aýyldyq okrý­gi áki­miniń bas mamany Baǵ­lan Máýlenov qanjy­ǵalady. Sony­­men birge «Tańdaýly usy­­nys» no­mı­nasııasynda I oryn­­dy – Shyǵys Qazaqstan ob­ly­­sy Boro­dýlıha aýdany Baqy aýyl­­dyq okrý­gi^­niń bas mam­any Nur­lan Álip­baev, II oryn­­dy – Shym­kent qalasy boıyn­­sha Qa­­zy­­na­shylyq depar­ta­men­ti bas­shy­synyń orynbasary Qal­muhanbet Baısarıev, III oryndy – Mańǵystaý oblysy Mu­naıly aýdan­dyq Ishki saıasat já­ne tilderdi damytý bóliminiń bas­shysy Sara Noǵaeva komıssııa she­shimine sáıkes jeńip aldy.